عالیہ بھٹ اور رنبیر کپور کی شادی کو ۲؍ سال ہوگئے ہیں۔ تاہم، ایسا پہلی بار ہوا جب عالیہ بھٹ نے اعتراف کیا ہے کہ انہوں نے شادی کے بعد اپنا نام تبدیل کرلیا ہے۔ ’’دی گریٹ انڈین کپل شو‘‘ سیزن ۲؍ کے ٹریلر میں وہ اپنے نئے نام کے متعلق انکشاف کرتی نظر آئیں۔

عالیہ بھٹ اور رنبیر کپور کی شادی کو دو سال سے زیادہ کا عرصہ گزر چکا ہے۔ تاہم، یہ ممکنہ طور پر پہلی بار ہے کہ عالیہ نے اپنی شادی کے بعد اپنا نام تبدیل کرنے کا انکشاف کیا ہے۔ ’’دی گریٹ انڈین کپل شو‘‘ سیزن ۲؍ کے پہلے ٹریلر میں عالیہ نے انکشاف کیا کہ انہوں نے اپنے نام کے ساتھ کپور کا اضافہ کیا ہے۔ گزشتہ دن جاری ہونے والے پرومو سے پتہ چلتا ہے کہ عالیہ ابتدائی قسطوں میں سے ایک میں ’’جگرا ‘‘کی ٹیم کے ساتھ شو پر نظر آئیں گی۔ عالیہ اس ایپی سوڈ میں ویدانگ رائنا اور کرن جوہر کے ساتھ اسکرین شیئر کریں گی۔ ٹریلر میں عالیہ نے اعلان کیا کہ وہ اب ’’عالیہ بھٹ کپور‘‘ ہیں ۔ یاد رہے کہ عالیہ بھٹ اور رنبیر کپور کی شادی اپریل ۲۰۲۲ء میں ہوئی تھی۔ 

یہ بھی پڑھئے:دی گریٹ انڈین کپل شو ۲: نیٹ فلکس پر ۲۱؍ ستمبر سے اسٹریم ہوگا

دریں اثنا، کام کے محاذ پر، عالیہ ’’جگرا‘‘ میں مرکزی کردار میں ہے۔ فلم میں عالیہ بھٹ اور ویدانگ رائنا نے بہن بھائی کا کردار ادا کیا ہے۔ عالیہ اس فلم کی پروڈیوسر بھی ہیں۔ افواہیں ہیں کہ یہ فلم ’’گمراہ‘‘ (سنجے دت اور شری دیوی) کا ریمیک ہے۔ تاہم، ’’جگرا‘‘ کے پروڈکشن ہاؤس نے واضح کیا کہ ان کی فلم ’’گمراہ‘‘ کا ریمیک ہے اور نہ ہی اس سے کوئی موافقت ہے۔ ’’جگرا‘‘ ۱۱؍ اکتوبر کو سنیما گھروں میں ریلیز ہوگی۔ اس کے بعد عالیہ وائی آر ایف کی اسپائی یونیورس کی فلم ’’الفا‘‘ میں شروری کے ساتھ نظر آئیں گی، اور سنجے لیلا بھنسالی کی ’’لو اینڈ وار‘‘ میں رنبیر کپور اور وکی کوشل کے ساتھ اداکاری کریں گی۔