تیلگو سنیما کے بہترین اداکار اللو ارجن اور رشمیکا مندانا نے ’’پشپا ۲‘‘ کی شوٹنگ مکمل کر لی ہے۔ یاد رہے کہ پشپا ۲؍ ۵؍ دسمبر ۲۰۲۴ء کو سنیما گھروں میں ریلیز ہوگی ۔ یہ پشپا دی رائز کا سیکوئل ہے۔

تیلگو سنیما کے ستارے اللوارجن اور رشمیکا مندانا نے پشپا سیریز کی دوسری فلم ’’پشپا ۲‘‘ کی شوٹنگ مکمل کر لی ہے۔ یاد رہے کہ یہ ۲۰۲۱ء میں پشپا سیریز کی پہلی فلم ’’پشپا دی رائز‘‘ کا سیکوئل ہے۔ پشپا ۲؍ ۵؍ دسمبر ۲۰۲۴ءکو ریلیز ہوگی۔ اللوارجن ، جنہوں نے ’’پشپا دی رائز‘‘ کیلئے نیشنل فلم ایوارڈ جیتا تھا، نے منگل کی رات اپنے ایکس اکاؤنٹ پر فلم کی شوٹنگ کے مکمل ہونے کی اطلاع دی ہے۔ انہوں نے لکھا کہ ’’پشپا کی شوٹنگ کا آج آخری دن تھا۔ پشپا کا ۵؍ سال کا سفر آج مکمل ہوچکا ہے۔یہ بلاشبہ ایک بہترین سفر تھا۔‘‘ 

یہ بھی پڑھئے: فلم’میں جھوٹی تو مکار‘ کے ایک سین کیلئے رنبیر نے ۳۷؍ٹیک دیئے

یاد رہے کہ پشپا ۲؍کی ہدایتکاری کے فرائض سوکمار نے انجام دیئے ہیں ۔ اس فلم میں رشمیکا مندانا اور فہد فاسل نے بھی اداکاری کے فرائض انجام دیئے ہیں۔ پشپا ۲؍ کا ٹریلر ۱۷؍ نومبر ۲۰۲۴ء کو جاری کیا گیا تھا۔ رشمیکا مندانانے اپنے انسٹاگرام پوسٹ میں لکھا ہے کہ ’’گزشتہ ۵؍ سال ، جو میں نے سیٹ پر گزارے وہ میرے لئے بہترین تھے۔ ان پانچ برسوں میں یہ سیٹ میرے لئے گھر جیسا تھا۔ آج میرا آخری دن تھا۔ اب بھی بہت سا کام باقی ہے اور خاص طور پرپارٹ ۳؍ کا ، لیکن مجھے لگ رہا ہے کہ یہی آخری تھا۔‘‘

LAST DAY LAST SHOT OF PUSHPA . 5 years JOURNEY of PUSHPA completed . What a journey 🖤 pic.twitter.com/eQoRhcLFMQ

— Allu Arjun (@alluarjun) November 26, 2024

انہوں نے مزید لکھا کہ ’’اللو ارجن اور سکو سر مجھے انڈسٹری میں کسی بھی شخص سے زیادہ اچھے طریقے سے جانتے ہیں۔ وہ گزشتہ ۵؍ برسوں میں روزانہ مجھے سیٹ پر دیکھا ہے اور مجھے ایسا لگتا ہے کہ یہ سیٹ میرے لئے میرا گھر بن گیا ہے اور اب یہاں سے جانا مشکل ہوگیا ہے۔ ۲۵؍نومبر ۲۰۲۴ء بہت ہی مشکل دن تھا۔‘‘یاد رہے کہ پشپا ۲؍ کو میتھری مووی میکرزنے پروڈیوس کیا ہے۔