اللو ارجن اوررشمیکا مندانا کی فلم ’’پشپا ۲‘‘ ۲۳؍ منٹس کے اضافی فوٹیج کے ساتھ نیٹ فلکس پر ریلیز ہوگی۔ نیٹ فلکس پر یہ فلم ہندی زبان میں موجود نہیں ہوگی۔ اس تعلق سے کوئی اطلاع فراہم نہیں کی گئی ہے کہ یہ فلم نیٹ فلکس پر کب ریلیز ہوگی۔

اللو ارجن اور رشمیکا مندانا کی فلم’’پشپا ۲‘‘ ۲۳؍ منٹس کے اضافی فوٹیج کے ساتھ نیٹ فلکس پر ریلیز ہوگی۔ تاہم، نیٹ فلکس پر یہ فلم ہندی زبان میں موجود نہیں ہوگی۔ اس تعلق سے کوئی اطلاعات فراہم نہیں کی گئی ہے کہ یہ فلم نیٹ فلکس پر کب ریلیز کی جائے گی۔ نیٹ فلکس نے اپنے انسٹاگرام پیج پر اعلان کیا ہے کہ ’’پشپا ۲؍ شروع ہونے کیلئے تیار ہے۔ نیٹ فلکس ۲۳ ؍ منٹس کے اضافی فوٹیج کے ساتھ پشپا ۲؍کا ری لوڈیڈ ورژن دیکھئے جو تمل،ملیالم، کنڑ، اور تیلگو زبان میں موجود ہوگا۔ ‘‘ سوکمار کی ہدایتکاری میں بنی فلم ’’پشپا ۲‘‘ باکس آفس پر بہترین آغاز کرنے والی فلم ثابت ہوئی تھی۔

یہ بھی پڑھئے: کولڈ پلے: کرس مارٹن نے یوم جمہوریہ پر وندے ماترم گا کر ہندوستانیوں کے دل جیت لئے

اس فلم نے اپنی ریلیز کے پہلے دن ہی ۱۸۰؍ کروڑ روپے کا کاروبار کر لیا تھا۔ اس فلم نے پربھاس کی فلم ’’کالکی ۲۸۹۸‘‘کا ریکارڈ توڑ دیا تھا جس نے اپنی ریلیز کے پہلے دن ہندوستان میں ۹۲؍ کروڑ روپے کا کاروبار کیا تھا۔ ساکنک کے مطابق ’’پشپا ۲؍ نے باکس آفس پراپنے ۵۲؍ دنوں کے دورانیے میں ایک ہزار ۲۳۱؍ کروڑ روپے سےزائد کی کمائی کی تھی۔‘‘ اس فلم میں اللو ارجن، فاحد فاسل اور دیگر نے اداکاری کی تھی۔ یہ فلم ۵؍دسمبر ۲۰۲۴ء کو باکس آفس پر ریلیز ہوئی تھی۔ پشپا ۲؍، پشپا دی رائز کا سیکوئل ہے ۔ اللو ارجن نے فلم میں اپنے کردار کے ذریعے عالمی شہرت حاصل کی ہے۔ دیوی سری پرساد نے پشپا۲؍ میں موسیقی دی ہے جبکہ میروسلو کیوبا بروزیک نے فلم کی سنیماٹوگرافی کے فرائض انجام دیئے ہیں۔ رپورٹس کے مطابق اللو ارجن ’’پشپا ۳؍‘‘ کی تیاری کررہے ہیں جو ۲۰۲۸ء میں ریلیز ہوسکتی ہے۔