آیوشمان کھرانہ اور یامی گوتم کی فلم ’’وِکی ڈونر‘‘ ۱۸؍ اپریل کو ری ریلیز ہوگی۔

آیوشمان کھرانہ اور یامی گوتم نے ۲۰۱۲ء میں شوجیت سرکار کی فلم ’’وِکی ڈونر‘‘ کے ساتھ اپنی اداکاری کے کریئر کا آغاز کیا تھا۔ برسوں کے دوران، کامیڈی فلم نے کلٹ کا درجہ حاصل کر لیا ہے۔ فلم کے مداحوں کو ایک دعوت نامہ کے ذریعہ بتایا گیا ہے کہ یہ فلم تقریباً ۱۳؍ سال بعد ۱۸؍ اپریل ۲۰۲۵ء کو ایک بار پھر بڑی اسکرین پر جلوہ گر ہونے کیلئے تیار ہے۔ پی وی آر سینماز نے اپنے آفیشل انسٹاگرام پر ’’وکی ڈونر‘‘ کا پوسٹر شیئر کیا، اور کیپشن لکھا کہ ’’وکی ڈونر کے جادو کو بڑی اسکرین پر دوبارہ زندہ کریں!‘‘

A mix of jaw-dropping comedy, heart-melting romance, and a message that hits home! 💗✨
Vicky Donor is back to charm hearts all over again at PVR INOX with our curated shows! Share your excitement on a scale of 1 to 10 in the comments below. #VickyDonor re-releasing at PVR INOX… pic.twitter.com/ralK9pNIqt

— P V R C i n e m a s (@_PVRCinemas) April 7, 2025

خیال رہے کہ ’’وِکی ڈونر‘‘ ایک ہلکی پھلکی کامیڈی فلم ہے جو دہلی کے پس منظر میں بنائی گئی ہے۔ دریں اثنا، پچھلے سال ایک پوڈکاسٹ کے دوران آیوشمان نے بتایا تھا کہ چھوٹی عمر میں شہرت حاصل کرنے کے بعد ان کا دماغ خراب ہوگیا تھا۔ انہوں نے کہا تھا کہ ’’مَیں نے بہت کم عمری میں کریئر بنانے کی شروعات کردی تھی۔ میں تقریباً ۱۷؍ یا ۱۸؍ سال کا تھا جب پاپ اسٹارز میں تھا، اور جب میں نے روڈیز میں شمولیت اختیار کی تو تقریباً ۲۰؍ یا ۲۱؍ سال کا تھا۔ پہلی فلم ہٹ ہونے کے بعد دِماغ خراب ہو گیا تھا۔‘‘

یہ بھی پڑھئے: سی آئی ڈی میں اے سی پی پردیومن کی موت، پارتھ سمتھان نئے اے سی پی ہوں گے

پیشہ ورانہ محاذ پر، آیوشمان ہارر کامیڈی فلم ’’تھاما‘‘ میں نظر آئیں گے، جس میں رشمیکا مندانا بھی ہیں۔ اس فلم میں نوازالدین صدیقی اور پریش راول بھی اہم کرداروں میں ہیں۔ یہ اس سال کے آخر میں دیوالی پر ریلیز ہوگی۔ دریں اثنا، یامی کو آخری بار نیٹ فلکس کی ’’دھوم دھام‘‘ میں دیکھا گیا تھا۔