معروف بالی ووڈ اداکارہ ودیا بالن اور کارتک آرین نے اپنی آنے والی فلم’’ بھول بھلیاں ۳ ‘‘کے پوسٹر کیلئے فوٹوشوٹ کیا ہے۔ تصویر کے وائر ل ہونے کے بعد سوشل میڈیا پر صارفین کے تبصروں کا طوفا ن آیا ہوا ہے۔

’’چندو چمپئن ‘‘کی کامیابی کے بعد کارتک آرین نے اپنی پوری توجہ سب سے زیادہ ریلیز کی منتظر فلم ’’بھول بھلیاں ۳ ‘‘ پر مرکوز کردی ہے۔ 
۲۰۲۲ء میں، اداکار نے ’بھول بھولیا ں۲‘ میں روح بابا کےمزاحیہ کردار سے مداحوں کے دل جیت لئے تھے۔ فلم میں ان کی اور کیارا اڈوانی کی کیمسٹری خوب پسند کی گئی جبکہ انجولیکا اور منجولیکا کے دوہرے کردار میں تبو نےناظرین کی داد وصول کی۔ اس بار کارتک کے ساتھ ترپتی ڈمری اور مادھوری دکشت نینے شامل ہوں گی۔ لیکن سب سے بڑی بات ودیا بالن کی ہارر کامیڈی فرنچائز میں واپسی ہے۔  اس کے ساتھ ہی ودیا اور کارتک کا فرسٹ لک وائرل ہورہا ہے۔

حال ہی میں کارتک اور ود یا کو اپنی فلم ’’ بھول بھلیاں ۳‘‘ کے پوسٹر کی فوٹو شو ٹ کی شوٹنگ کیلئے دیکھا گیا۔ وائرل ہونے والی تصویروں میں، کارتک نے ایک بار پھر اپنا سیاہ کرتا اور دھوتی پہنی ہوئی ہے جس میں ان کے گلے میںردرکشا کی مالا ہے۔ دوسری طرف، ودیا، کالی ساڑھی میں ملبوس ہیں جبکہ ان کے لمبے بال کھلے ہوئے ہیں۔

یہ بھی پڑھئے: فرحان اختر نے’’۱۲۰؍بہادر‘‘ کا پوسٹر شیئر کیا

بتا دیں کہ ۲۰۰۷ء میں ودیا نے فلم’بھول بھولیاں‘ میں منجولکا کے طور پر اپنی اداکاری سے ہارر کے نئے معیار قائم کئے تھے۔ ’’ بھول بھلیاں ۳ ‘‘ سے ناظرین کو بہت توقعات ہیں۔یہ فلم دیوالی کے موقع پر سنیما گھروں کی زینت بنے گی۔