ہند نژاد امریکی کیٹلین سینڈرا نیل نےمس انڈیا یو ایس اے ۲۰۲۴ء کا خطاب جیتا ہے۔ ان کا تعلق چنئی، امریکہ سے ہے۔کیٹلین سینڈرا ویب ڈیزائنر بننے کی خواہشمند ہیں۔ وہ اداکاری اور ماڈلنگ میں بھی اپنا کریئر بنائیں گی۔

ہند نژاد کیٹلین سینڈرا نے مس انڈیا یو ایس اے ۲۰۲۴ء کا خطاب جیت لیا ہے۔ انہوں نے نیوجرسی، امریکہ میں سالانہ تقریب میں یہ خطاب جیتا ہے۔ ۱۹؍ سالہ کیٹلین سینڈرا کیلیفورنیا یونیورسٹی میں دوسرے سال کی طالبہ ہیں۔ انہوں نے یہ اعزاز حاصل کرنے کے بعد کہا کہ ’’میں اپنی کمیونٹی کیلئے اعزاز اور خواتین کی تعلیم اور ان کے بااختیار بننے پر توجہ دینا چاہتی ہوں۔‘‘

Chennai-born Indian American Caitlin Sandra Neil was crowned Miss India USA 2024 at the annual pageant held in New Jersey. The 19-year-old is a second year student at University of California, Davis. pic.twitter.com/wRPcqAZLjQ

— Rohit Chaurasiya (@rcrohitcse) December 18, 2024

کیٹلین سینڈرا کی پیدائش چنئی، ہندوستان میںہوئی تھی۔ انہوں نے اپنی زندگی کے ۱۴؍ سال امریکہ میں گزارے ہیں۔ وہ ویب ڈیزائنر بننے کی خواہشمند ہیں اور ماڈلنگ اور اداکاری میں بھی اپنا کریئر بنانا چاہتی ہیں۔ انڈین کمیونٹی فیسٹیول (آئی ایف سی) کی جانب سے منعقد کی گئی تقریب میں الینوے ،امریکہ سے تعلق رکھنے والی سنسکرتی شرما نے مسز انڈیا کا خطاب جبکہ ارشیتاکیتھ پالیا نے مس ٹین انڈیا یو ایس اے کا خطاب جیتا ہے۔

یہ بھی پڑھئے: شام: جنگ کی تباہی کی علامت ماریت النعمان شہرمیں زندگی لوٹنے لگی

ریجول مائنی، مس انڈیا یو ایس اے ۲۰۲۳ء نے کیٹلین سینڈرا کو یہ خطاب دیا ہے جبکہ مسز انڈیا یو ایس اے ۲۰۲۳ء اسنیہانمبیار نے سنسکرتی شرما کو یہ خطاب دیا ہے۔ مس انڈیا یو ایس اے مقابلے میں نیرالی دیسیا ،جن کا تعلق الینوئے ، امریکہ سے ہے، نے فرسٹ رنر اپ جبکہ نیوجرسی، امریکہ کی مانینی پٹیل نے سیکنڈرنر اپ کا خطاب اپنے نام کیا ہے۔اس مقابلے میں ۲۵؍ ریاستوں سے ۴۷؍ افراد مقابلے میں شریک ہوئے تھے۔