کانز فلم فیسٹیول جاری ہے جس میں عالمی اداکاروں اور فنکاروں کا ہجوم ہے۔ ملیالم فلم ’’آل وی امیجن ایزلائٹ‘‘ پام ڈی آر ایوارڈ مقابلہ کیلئے نامزد ہے جس میں کنی کسروتی نے اہم کردار ادا کیا ہے۔ فلم کی کاسٹ فلم کی اسکریننگ کیلئے کانز میں موجود ہے۔

اداکار کنی کسروتی، جو اپنی حالیہ فلم ’’آل وی امیجن ایز لائٹ‘‘ کیلئے تعریفیں وصول کررہی ہیں، اسی فلم کی نمائش کیلئے کانز ۲۰۲۴ء میں ہیں۔ اس دوران ان کے ہاتھ میں تربوز جیسا پرس تھا جو انہوں نے فلسطین کے لوگوں کے ساتھ اظہار یکجہتی کے طور پر لیا تھا۔ 
واضح رہے کہ تربوز، فلسطینی مزاحمت کی علامت ہے، جو اس ملک کے پرچم کے رنگوں سرخ، سبز اور سیاہ اور سفید کو ظاہر کرتا ہے۔ اداکارہ نے امن کا پیغام دینے کیلئے سفید رنگ کا لباس بھی زیب تن کیا تھا جبکہ زیورات کے ذریعے انہوں نے یہ پیغام دینے کی کوشش کی کہ وہ ہندوستانی ہیں۔ 

➕Hintli aktris Kani Kusruti, Filistin bayrağı sembolü haline gelen karpuz dilimi şeklindeki çantası ile Cannes film Festivali’nde Gazze’ye destek verdi. pic.twitter.com/W0Vll6PZ8b

— Fokus+ (@fokusplusnet) May 24, 2024

یہ بھی پڑھئے: غزہ جنگ: امریکی کامیڈین دیو شپل نے غزہ میں اسرائیلی جارحیت کی مذمت کی

تصاویر کے وائرل ہونے کے بعد، ملیالم فلم انڈسٹری کے اداکاروں سمیت متعدد صارفین نے اپنے متعلقہ سوشل میڈیا ہینڈلز پر کنی کی ہمت کو سراہا۔ اس دوران فلم کی کاسٹ اور عملہ ریڈ کارپٹ پر مسکراہٹیں بکھیر رہا تھا۔ واضح رہے کہ ایسا ۳۰؍ سال بعد ہوا ہے جب کسی ہندوستانی فلم نے کانز فلم فیسٹیول میں پام ڈی آر ایوارڈ کیلئے مقابلہ کیا ہے۔