چند سال قبل فلمساز فرحان اختر نے رنویر سنگھ کی مرکزی اداکار ی والی فلم’’ڈان ۳ُُ ‘‘ کا اعلان کیا ۔کچھ دن کےبعد اعلان کیا گیا کہ فلم میں رنویر سنگھ کے مقابل میںکیارا اڈوانی اہم کردار میں دکھائی دیںگی۔

چند سال قبل فلمساز فرحان اختر نے رنویر سنگھ کی مرکزی اداکار ی والی فلم’’ڈان ۳ُُ ‘‘ کا اعلان کیا ۔کچھ دن کےبعد اعلان کیا گیا کہ فلم میں رنویر سنگھ کے مقابل میںکیارا اڈوانی اہم کردار میں دکھائی دیںگی۔تاہم، حال ہی میں رپورٹ آئی کہ کیارا اڈوانی حاملہ ہونے کی وجہ سے فلم سے باہرہوگی ہے اور اب ایک نئی رپورٹ میں دعوٰ ی کیا گیا ہے کہ فلمسازوں نے فلم میں مرکزی کردار کیلئے شروری کو تیا رکرلیا ہے۔ ایک ذرائع نے بالی ووڈ ہنگامہ کو بتایاکہ’’شروری اور ایک اور اداکارہ پر غور کیا جا رہا تھا، لیکن وہ اس کردار کو حاصل کرنے میں کامیاب ہو گئی ہیں۔ ایکسل انٹرٹینمنٹ کی ٹیم انہیں فلم میں شامل کرنے کیلئے پرجوش ہے۔ شروری کو بھی اتنی بڑی فرنچائز کا حصہ بننے کیلئے کافی حوصلہ افزائی کی گئی ہے اور یہ بھی کہ یہ’’ الفا ‘‘سے مختلف ہے، حالانکہ دونوں ہی سلیک ایکشن فلمیں ہیں۔‘‘

یہ بھی پڑھئے: عامر خان، رجنی کانت اور ناگا ارجن کے ساتھ ’’قلی‘‘ میں نظر آئیں گے

شروری ، اب ہندی سنیما کی تین بڑی فرینچایزی فلموں میں نظر آئیں گی ، جس میں ’’ڈان۳ُُ‘‘ ، ’’استری یونیورس‘‘ اور ’’وائے آر ایف اسپائے یونیورس‘‘ شامل ہے۔ذرائع نے مزید کہا کہ’’اگرچہ ابھی تک اس کا اعلان نہیں کیا گیا ہے، لیکن یہ کہا جا رہا ہے کہ وہ ’’ماہا منجیا‘‘اور اس کائنات کی کسی اور فلم کے ساتھ واپس آئیں گی۔ اس دوران،’’ الفا‘‘، وائے آر ایف اسپائی یونیورس سے تعلق رکھتی ہے،اسے کسی تعارف کی ضرورت نہیں ہے۔ اور ’’ڈان۳‘‘بھی اس سیریز سے تعلق رکھتی ہے جسے لوگوں کی طرف سے بہت زیادہ پیار ملا ہے۔‘‘انڈسٹری کے ایک اندرونی ذرائع نے یہ بھی اطلاع دی کہ’’شروری اپنے اسکرپٹ کا انتخاب سمجھداری سے کر رہی ہیں اور خود کو ایسی فلموں سے جوڑ رہی ہیں جو شائقین کو پرجوش کردیں۔’’ الفا ‘‘اور’’ ڈان ۳‘‘کے علاوہ، کہا جارہاہے کہ انہوں نے امتیاز علی کی اگلی فلم بھی سائن کی ہے۔ ایسا کرکے وہ مختلف انواع میں بھی قدم جما رہی ہیں۔‘‘

یہ بھی پڑھئے: رتیک روشن نے ’کریش ۴‘ کی ہدایتکاری کے تعلق سے بات کی، کہا ’ خوفزدہ ہوں‘

جب’’ڈان ۳‘‘ کی شوٹنگ شروع ہونے کے بارے میں پوچھا گیا تو انہوں نے کہا کہ’’ فلمساز فلم کی شوٹنگ ۲۰۲۵ء کے آخر میں شروع ہوگی۔ تب تک شروری فلم ’’الفا ‘‘ کے پروموشن سے فارغ ہوجائیگی۔ یہ فلم کرسمس کے موقع پر ریلیز ہوگی۔رنویر سنگھ کو امید ہے کہ آدتیہ دھر کی ایکشن تھرلر فلم کی ریلیز کے ساتھ کیا جائے گا۔ فرحان اختر کی’’ ۱۲۰؍ بہادر‘‘  ۲۱؍نومبر کو ریلیز ہو رہی ہے۔ وکرانت میسی، جس سے مخالف کا کردار ادا کرنے کی توقع ہے، تب تک اپنے وعدے پورے کر لیں گے۔’’الفا‘‘ کی ہدایت کاری دی ریلوے مین فیم کے شیو راویل نے کی ہے اور اس میں عالیہ بھٹ، بوبی دیول اور انیل کپور بھی مرکزی کردار ادا کر رہے ہیں۔