عمران ہاشمی کی پیدائش ۲۴؍مارچ ۱۹۷۹ءکو ممبئی میںہوئی۔ ان کاپورا نام سید عمران انور ہاشمی ہے۔

عمران ہاشمی کا شمار بالی ووڈ کے اُن اداکاروں میں ہوتا ہے جو اپنی مخصوص اداکاری، رومانوی کرداروں اور بولڈ سینز کے لیے جانے جاتےہیں۔ اپنی منفرد پہچان اور مخصوص انداز کی وجہ سے وہ بھی مشہور ہوئے۔حالانکہ وقت کے ساتھ انہوں نے اپنے امیج کو بدلا اور سنجیدہ کرداروں میں بھی خود کو منوایا۔

یہ بھی پڑھئے: کنگنا رناوت اداکاری سے زیادہ تنازعات سے سرخیوں میں رہیں

عمران ہاشمی کی پیدائش ۲۴؍مارچ ۱۹۷۹ءکوممبئی میںہوئی۔ ان کاپورا نام سید عمران انور ہاشمی ہے۔ ان کے والد انور ہاشمی ایک بزنس مین تھے اور والدہ مہربانو محمد علی فلم انڈسٹری سے وابستہ تھیں۔ عمران ہاشمی مشہورفلم ڈائریکٹر اور پروڈیوسر مہیش بھٹ کے رشتہ دار ہیں، کیونکہ ان کی والدہ مہیش بھٹ کی بہن تھیں۔انہوں نےابتدائی تعلیم جمنابائی نرسی اسکول، ممبئی سے حاصل کی اورپھر سڈنہم کالج، ممبئی یونیورسٹی سے گریجویشن مکمل کیا۔ عمران نے ۲۰۰۶ءمیں پرَوین شاہنی سے شادی کی، اور ان کے ایک بیٹے ایان ہاشمی ہیں، جو بچپن میں کینسر جیسے مہلک مرض میں مبتلا ہو گئے تھے، مگر بعد میں صحت یاب ہو گئے۔عمران ہاشمی نے اپنےفلمی سفرکاآغاز۲۰۰۳ء میں مہیش بھٹ کی فلم ’فُٹ پاتھ‘ سےکیا، لیکن اس فلم کو زیادہ کامیابی نہیں ملی۔ تاہم، اگلے ۲۰۰۴ء میں ’مرڈر‘ ریلیزہوئی، جس نے انہیں راتوں رات مشہورکر دیا۔ اس فلم میں ان کی اداکاری، گانے اور بولڈ مناظر نے خوب سرخیاں بٹوریں۔ اس کے بعد انہیں کئی رومانوی تھرلر فلموں میں کام کرنے کا موقع ملا، اور وہ بالی وُڈ میں اپنی الگ شناخت بنانے میں کامیاب ہو گئے۔
 ۲۰۰۳ء سے ۲۰۰۵ء کو ان کے کریئر کا ابتدائی دور قرار دیا جاسکتا ہے جس میںفُٹ پاتھ(۲۰۰۳ء) ان کی پہلی فلم تھی، جو کرائم تھرلر تھی۔ اس میں ان کے ساتھ بپاشا باسو، آفتاب شیودسانی اور راہل دیو تھے، لیکن فلم کچھ خاص نہ کر سکی۔مرڈر(۲۰۰۴ء)ان کے کریئر کا پہلابڑا بریک تھی۔ملیکا شیراوت کے ساتھ ان کے رومانس اور بولڈ سینز نے سب کو حیران کر دیا۔ اس فلم کے گانے جیسے’بھیگے ہونٹ تیرے‘سپر ہٹ ثابت ہوئے۔زہر(۲۰۰۵ء)عرفان خان اور ایشا دیول کے ساتھ ایک سنجیدہ تھرلر تھی، جو کامیاب رہی۔عاشق بنایا آپ نے (۲۰۰۵ء)میں ان کا منفرد کردار تھا، اور ہِمیش ریشمیا کا ٹائٹل ٹریک آج بھی مقبول ہے۔
 ۲۰۰۶ءسےعمران نے ایسی فلمیںکرنا شروع کیںجنہوں نے انہیں ایک منفرد اداکار کے طور پر پیش کیا۔ان میں گینگسٹر (۲۰۰۶ء) مہیش بھٹ کی پروڈکشن میں بنی  سپر ہٹ فلم تھی۔اس میں عمران کے ساتھ کنگنا رناوت اور شائنی آہوجا تھے۔ گانے جیسے ’تو ہی میری شب ہے‘ نے شہرت حاصل کی۔جنت (۲۰۰۸ء)نےعمران کو بالی ووڈ کا ’لوور بوائے‘ اور’گلیمرس اسٹار‘بنا دیا۔ فلم میں انہوں نے ایک کرکٹ بکی کاکردار نبھایا تھا۔ ’ذرا سی دل میں‘ اور’ہاں تُجھے بھی اجازت‘جیسے گانے بلاک بسٹر ثابت ہوئے۔راز: دی مسٹری کنٹینیوز(۲۰۰۹ء)  ایک سپرنیچرل ہارر فلم تھی، جس میں عمران کا کردار کافی سنجیدہ تھا۔
 ونس اپون اے ٹائم ان ممبئی(۲۰۱۰ء)اجے دیوگن کے ساتھ  ایک کرائم ڈرامہ تھا، جس میں عمران نے ایک گینگسٹر کا رول ادا کیا۔ ان کے ڈائیلاگز اور اسٹائل کو کافی پسند کیا گیا۔دی ڈرٹی پکچر (۲۰۱۱ء)ودیا بالن کے ساتھ ایک بایوپِک تھی، جس نے عمران کو سنجیدہ اداکار کے طور پر مضبوط کیا۔
 عمران زیادہ تر رومانوی، تھرلر، ہارر اور کرائم فلموں میں کامیاب رہے ہیں، اور ان کے کردار ہمیشہ ایک الگ قسم کے رہے ہیں۔