اکشے کمار کی جانب سے سلمان خان کے دفاع کے بعد عمران ہاشمی نے بھی کہا کہ سلمان کو کافی تجربہ ہے اور وہ زبردست طریقے سے واپسی کریں گے۔

سلمان خان کی ’’سکندر‘‘ کی ناکامی پر اکشے کمار کے بعد اب عمران ہاشمی فلم کا دفاع کررہے ہیں۔ سدھارتھ کنن کے ساتھ بات چیت کے دوران عمران ہاشمی نے کہا کہ سلمان خان بحران سے گزر رہے ہیں مگر ان کی واپسی زبردست ہوگی۔ وہ ذہین ہیں اور انہیں انڈسٹری کا کافی تجربہ ہے۔ عمران نے کہا کہ ’’مجھے یقین ہے کہ وہ زبردست واپسی کریں گے۔ وہ انڈسٹری میں کئی دہائیوں سے فعال ہیں۔ ۱۰؍ سال پہلے لوگ ایسا شاہ رخ خان کے بارے میں کہتے تھے مگر آج دیکھئے وہ کہاں ہیں۔ سلمان نے انڈسٹری میں بہت کچھ دیکھا ہے۔ ان کی واپسی ضرور ہوگی۔‘‘

یہ بھی پڑھئے: نوازالدین صدیقی کی فلم ’’کوسٹاؤ‘‘ کا ٹریلرریلیز

انہوں نے مزید کہا کہ ’’آپ اندازہ نہیں لگاسکتے کہ چیزیں کب ٹھیک ہوجاتی ہے۔ یہ سب آپ کے ہاتھوں میں نہیں ہوتا۔ ایسا نہیں ہے کہ وہ اپنی صلاحیتوں کے مطابق فلمیں نہیں کر رہے ہیں۔ کبھی کبھی اچھی چیزیں بھی کام نہیں کرتی ہیں۔ فلم کی کامیابی میں کئی عوامل بیک وقت کام کرتے ہیں۔ ‘‘
واضح رہے کہ اکشے کمار کی جانب سے سلمان کا دفاع کرنے کے فوراً بعد عمران ہاشمی نے بھی ان کی حمایت کی ہے۔ ’’کیسری ۲‘‘ کی خصوصی اسکریننگ میں ایچ ٹی سٹی کے ساتھ بات کرتے ہوئے اکشے کمار نے سلمان خان کا دفاع کیا اور کسی بھی قسم تنقید کو مسترد کردیا۔ جب ان سے پوچھا گیا کہ کیا آج کل بڑے ستاروں والی فلمیں کام نہیں کر رہی ہیں، اکشے نے کہا کہ ’’دیکھئے یہ غلط بات ہے۔ ٹائیگر زندہ ہے اور ہمیشہ زندہ رہے گا۔سلمان وہ شیر ہے جسے کبھی مات نہیں دی جاسکتی۔‘‘