کیلی فورنیا، امریکہ میں ہونے والے۸۲؍ ویں گولڈن گلوب ایوارڈ ۲۰۲۵ء کی ایوارڈ پریزنٹرز اور میزبانوں کی فہرست جاری کر دی گئی۔ نمایاں ناموں میں وین ڈیزل، ڈوین جانسن (راک) اور مشل یوہ بھی شامل ہیں۔

کیلی فورنیا، امریکہ میں ہونے والے۸۲؍ ویں گولڈن گلوب ایوارڈ ۲۰۲۵ء کی ایوارڈ پریزنٹرز اور میزبانوں کی فہرست جاری کر دی گئی۔ نمایاں ناموں میں وین ڈیزل، ڈوین جانسن (راک) اور مشل یوہ بھی شامل ہیں۔ ذرائع کے مطابق بیورلی ہلز ریاست کیلی فورنیا میں ۵؍جنوری کی شام۸؍ بجے دنیا کے معروف فلم اور ٹی وی ایوارڈ گولڈن گلوب کی تقریب منعقد ہونے جا رہی ہے۔ آرگنائزر کی جانب سےاس شو کی پریزینٹرز کے نام جاری کر دیئے ہیں، ۸۲؍ویں سالانہ گولڈن گلو ب ایورڈز کی تقریب میں اسپاٹ لائٹ کا حصہ بننے والے پریزنٹرز میں وین ڈیزل، ڈوین جانسن، مشعل یوہ کے ساتھ اینڈریو گارفیلڈ، کولن فیرل، جینیفر کولیج، اوکوفینا، انیا ٹیلرکے نام شامل ہیں۔ 

یہ بھی پڑھئے: طلاق کے بعد بریڈ پٹ، انجلینا جولی کو ۸۰؍ ملین ڈالر ادا کریں گے

تقریب خاتون کامیڈین نکی گلیسر اس شو میں تنہا میزبانی کے فرائض انجام دیں گی۔ گولڈن گلوب ایوارڈ کے اس شاندار شام میں وا ئلا ڈیوس کو سیسل بی ڈیوس ایوارڈ سے نوازا جائے گا، جو اپنی غیر معمولی اداکاری کی وجہ سے پہلے ہی آسکر اور گولڈ ن گلوب ایوارڈ میں متعداد نامزدگیاں حاصل کر چکی ہیں۔ گولڈن گلوب ایوارڈ کے حوالے سے بات کرتے ہوئے مشہور میگزین دی ہالی ووڈ رپورٹر کے ایگزیکٹیو ایڈیٹر اسکاٹ فین برگ نے کہا ہے کہ اگر کوئی بھی یہ ایوارڈ جیتنے میں کامیاب ہو جاتا ہے تو اس جیت سے اس بات کا امکان بڑھ جائے گا کہ مارچ میں ہونے والے اکیڈیمی ایوارڈ کی دوڑ میں شامل ہونے میں آسانی ہو سکتی ہے۔