رتیک روشن نے اپنے ایکس اکاؤنٹ پر ’’استری ۲‘‘ ، اس کی کاسٹ اور عملے کی خوب تعریف کی۔ ’’استری۲ ‘‘ اب بھی زبردست کاروبار کررہی ہے۔ یہ ہندی زبان کی سب سے زیادہ کمائی کرنے والی فلم بھی بن گئی ہے۔

۱۵؍ اگست ۲۰۲۴ء کو ریلیز ہونے والی ’’استری۲‘‘ باکس آفس پر اب بھی دھوم مچارہی ہے۔ اس شاندار کامیابی کے بعد بالی ووڈ اسٹار رتیک روشن نے فلم اور اداکاروں کی پذیرائی کی۔ انہوں نے ایکس پر لکھا کہ ’’یہ سنیما کیلئے خوشی کا وقت ہے۔ ’’استری۲‘‘ نے ہم سب کیلئے ایک نیامعیار قائم کیا ہے۔ ’’استری‘‘ شاندار فلم تھی۔ اسے ایک یونیورس میں تبدیل کرنا اور ’’استری ۲‘‘ میں سبھی کو اکٹھا ہوتے دیکھنا ناقابل یقین لمحہ تھا۔‘‘

It is such a happy time for our Cinema with Stree 2 setting new benchmarks for all of us to look up to. Stree part 1 was brilliant and the idea of taking that seed and building a universe and watching it all come together in Stree 2 is applause worthy! Bravo to the teams that…

— Hrithik Roshan (@iHrithik) September 21, 2024

رتیک نے پروڈیوسر دنیش وجن، ہدایتکار امر کوشک، اور مصنف نیرین بھٹ کی محنت کا بھی اعتراف کیا۔ خیال رہے کہ ’’استری ۲‘‘ میڈڈوک فلمز کی مافوق الفطرت کائنات کا حصہ ہے جس میں ’’بھیڑیا‘‘ اور ’’مونجیا‘‘ بھی شامل ہیں۔ خبروں کے مطابق اب ’’استری۳‘‘ سے پہلے ’’بھیڑیا ۲‘‘ ریلیز ہوگی۔ خیال رہے کہ ’’استری ۲‘‘ ہندی زبان میں سب سے زیادہ کمائی کرنے والی فلم بن گئی ہے۔ 

یہ بھی پڑھئے: نیٹ فلکس کرن جوہر کی ہدایتکاری میں ویب سیریز بنائے گا

’’مرزا پور‘‘ نامی فلم کیلئے قالین بھیا کے کردار کیلئے رتیک روشن کے نام پر غور کیا جا رہا ہے۔ اگر حتمی شکل دی جاتی ہے تو، ریتک اس مشہور کردار میں قدم رکھیں گے جو پہلے پنکج ترپاٹھی کے ذریعے پیش کیا گیا تھا۔تاہم ابھی تک کوئی باضابطہ تصدیق نہیں کی گئی ہے۔ کام کے محاذ پر، رتیک کو آخری بار ’’فائٹر‘‘ میں دیکھا گیا تھا۔ وہ جلد ہی ’’وار ۲‘‘ میں نظر آئیں گے۔