ابراہیم علی خان اور خوشی کپور کی فلم ’’نادانیاں‘‘ کا دوسرا نغمہ ’’غلط فہمی‘‘ ریلیز ہوچکا ہے۔ یہ فلم جلد ہی نیٹ فلکس پر ریلیز ہوگی۔

سیف علی خان کے بیٹے ابراہیم علی خان اور شری دیوی کی بیٹی خوشی کپور نیٹ فلکس کی فلم ’’نادانیاں‘‘ کے ذریعے اپنےفلمی کریئر کی شروعات کریں گے۔ فلم کے پہلے نغمے ’’عشق میں‘‘ کے ریلیز ہونے کے بعد اس کا دوسرا نغمہ ’’غلط فہمی ‘‘ بھی جاری کر دیا گیا تھا۔ سونی میوزک انڈیا نے اپنے انسٹاگرام پر یہ نغمہ جاری کیا ہے۔ نغمے کے تعلق سے صارفین کے ملے جلے تاثرات دیکھے گئے ہیں۔ 

یہ بھی پڑھئے: کیسری ۲: اکشے کمار، مادھون اور اننیا پانڈے کی فلم ۱۸؍ اپریل کو ریلیز ہوگی

’’نادانیاں‘‘ دھرمیٹک انٹرٹینمنٹ پروڈکشن کی فلم ہے جس کی ہدایتکاری شونا گوتم نے کی ہے۔ یہ  جنوبی دہلی کے ایک متوسط ​​طبقے کے لڑکے کی کہانی ہے جو ایک اشتعال انگیز منصوبہ بناتا ہے۔ اس ماہ کے شروع میں، فلم کا پہلا گانا ’’عشق میں‘‘، ’’نیکسٹ آن نیٹ فلکس‘‘ ایونٹ میں پیش کیا گیا۔ اس نغمے کو سچن جگر نے کمپوز کیا ہے اور امیتابھ بھٹاچاریہ نے اس کے بول لکھے ہیں۔ شونا گوتم کی فلم نیٹ فلکس پر دنیا بھر میں ریلیز کی جائے گی اور اسے دھرمیٹک انٹرٹینمنٹ نے پروڈیوس کیا ہے۔ فلم کی ریلیز کی تاریخ کا اعلان ہونا ابھی باقی ہے۔ فلم میں دیا مرزا اور سنیل شیٹی بھی اہم کرداروں میں ہیں۔اس فلم کو اپرو گپتا، کرن جوہر اور سومن مشرا نے پروڈیوس کیا ہے۔