سوشل میڈیا پر ڈیوڈ وارنر کی ایک تصویر وائرل ہورہی ہے جس کے کیپشن میں لکھا ہوا ہے ’’ویلکم ٹو تیلگو فلم انڈسٹری۔‘‘ مداحوں نے قیاس لگایا ہے کہ غالباً ڈیوڈ وارنر، اللو ارجن کی ’’پشپا ۲‘‘ میں نظر آئیں گے کیونکہ انہوں نے اس فلم میں کردار ادا کرنے کی خواہش کا اظہار کیا تھا۔

’’پشپا ۲‘‘ اس سال کی سب سے زیادہ انتظار کی جانے والی فلموں میں سے ایک ہے۔ اس کا پہلا حصہ ۲۰۲۱ء میں ریلیز ہوا تھا۔ فلم میں اللو ارجن، رشمیکا مندانا اور فہد فاضل نے اہم کردار ادا کئے تھے۔ ’’پشپا ۲‘‘ پہلے ۱۵؍ اگست کو ریلیز ہونے والی تھی۔ تاہم، اس کی ریلیز ملتوی کردی گئی اور اب یہ ۶؍ دسمبر ۲۰۲۴ء کو ریلیز ہوگی۔ اس فلم سے وابستہ ایک نئی پیشرفت مداحوں کو مزید پرجوش کر سکتی ہے۔ افواہیں ہیں کہ آسٹریلوی کرکٹر ڈیوڈ وارنر فلم میں خصوصی کردار ادا کریں گے۔

Welcome to Telugu Film Industry @davidwarner31 🔥🔥#DavidWarner https://t.co/78EfD9kP5W pic.twitter.com/YmX02mh3nG

— Australian Telugu Films (@AuTelugu_Films) September 21, 2024

وارنر کی ہندوستان اور تیلگو فلموں سے محبت خاص طور پر وبائی امراض کے دوران سوشل میڈیا پر پوسٹ کئے گئے مختلف ٹک ٹاک اور ریلز سے واضح ہوئی۔ ایک انٹرویو میں، انہوں نے مذاق میں یہ تک کہا تھا کہ وہ ’’پشپا۲‘‘ میں کام کرنا پسند کریں گے۔ حال ہی میں انہیں ایک بڑے گینگسٹر اوتار میں گولڈن ہینڈگن پکڑے دیکھا گیا، جس سے بہت سے لوگوں کو یقین ہو گیا کہ شاید ان کی یہ خواہش ’’پشپا ۲‘‘ میں ایک کیمیو کی صورت میں پوری ہوئی ہو گی۔

یہ بھی پڑھئے: ۶۰۰؍ کروڑ کلب: ’’استری ۲‘‘ ہندی زبان میں سب سے زیادہ کمائی کرنے والی فلم بن گئی

تاہم، اس کی تصدیق نہیں ہوسکی ہے۔ ’’پشپا ۲‘‘ ۶؍ دسمبر کو وکی کوشل کی ’’چھاوا‘‘ سے ٹکرائے گی۔ دلچسپ بات یہ ہے کہ دونوں ہی فلموں میں رشمیکا مندانا نے مرکزی کردار ادا کیا ہے۔