اسٹیون اسپلبرگ کی کلاسیک ایڈوینچرفلم ’’جاز‘‘ کی ۵۰ ؍ ویں سالگرہ کا جشن منانے کیلئے اکیڈمی آف موشن پکچرزنے بڑے پیمانے پر فلم کی نمائش کا اعلان کیا ہے۔

۵۰؍ سال قبل اسٹیون اسپلبرگ کی کلاسیک ایڈوینچر فلم ’’جاز‘‘نے امریکی سنیما کو ہمیشہ کیلئے بدل کر رکھ دیا تھا۔ باکس آفس پر اس فلم نے تاریخی کامیابی حاصل کی تھی۔ اس فلم کے اسٹائل اور کہانی بیان کرنے کے انداز نے متعدد نسلوں کے فلمسازوں کو متاثر کیا ہے۔ کوینٹن ٹیرنٹینو اس فلم سے اتنا متاثر ہوئے تھے کہ انہوں نے اسے اب تک کی بہترین فلم قرار دیا تھا۔ اسٹیون اسپلبرگ بھی اس فلم سے اتنے متاثر ہوئے تھے کہ وہ اس فلم کے تعلق سے ایک کتاب پر کام کر رہے ہیں۔ 

50th Anniversary 4K UHD Steelbook via Universal Tentatively on 6/17

Jaws (1975) #Horror #Jaws pic.twitter.com/lWoI8NSF2P

— 🖤 Physical Media Forever 🖤 (@VHSDVDBLURAY4K) April 11, 2025

اکیڈمی آف موشن پکچرز بڑے پیمانے پر ’’جاز‘‘ کی نمائش کرے گا 
اب اکیڈمی میوزیم آف موشن پکچرز ’’جاز‘‘ کی ۵۰؍ ویں سالگرہ کے اعزاز میں بڑے پیمانے پر فلم کی نمائش کا اعلان کیا ہے۔ جیسا کہ اکیڈمی آف موشن پکچرز نے امسال آسکر کی تقریب اعلان کیا تھا کہ ’’جاز : دی ایگزی بشن‘‘ میں ۲۰۰؍سےزائد فن پاروں کی نمائش کی جائے گی جس میں فلم کے پروڈکشن ڈیزائنر کی جانب سے تصویری خاکہ، رائے شیلدر کا کوسٹیوم، انجینئر فرینک ورمسیر کی ڈیزائن کردہ شارک اور پنکھ جسے دیکھ کر کروڑوں فلم شائقین خوفزدہ ہوگئے تھے، بھی شامل ہیں۔

یہ بھی پڑھئے: جاٹ: شمالی ہند کے بعد جنوبی ہند میں سنی دیول کا ایکشن

یہ نہ صرف ’’جاز‘‘ کیلئے اب تک کی سب سے بڑی منظم نمائش ہے بلکہ یہ واحد فلم ہے جس کی نمائش اکیڈمی آف موشن پکچرز اتنے بڑے پیمانے پر کر رہا ہے۔