اعزازی سیزر کے پچھلے ایوارڈ یافتگان میں اداکار جارج کلونی، پینیلوپ کروز، رابرٹ ریڈفورڈ، کیٹ بلانشیٹ اور اسکارلیٹ جوہانسن شامل ہیں۔

ہالی ووڈ اسٹار جولیا رابرٹس کو سیزر ایوارڈس کے۵۰؍ویں ایڈیشن میں اعزاز سے نوازا جائے گا، اکیڈمی آف سنیما آرٹس اینڈ ٹیکنیکس نے اعلان کیا ہے۔ ’’رن وے برائیڈ‘‘، ’’پریٹی وومن‘‘، ’’نوٹنگ ہل ‘‘اور ’’ایرن بروکووچ‘‘ جیسی مشہور فلموں کیلئے مقبول ۵۶؍سالہ اداکار ہ کو ۲۸؍فروری ۲۰۲۵ءکو فرانسیسی دارالحکومت کے اولمپیا ہال میں ایوارڈ تقریب کے دوران اعزازی سیزر دیا جائے گا۔ سیزر ایوارڈس کی سرکاری ویب سائٹ پر پوسٹ کئے گئے ایک بیان میں یہ اطلاع دی گئی ہے۔

یہ بھی پڑھئے: کرن جوہر نے ’’سویگی‘‘ میں سرمایہ کاری کی افواہوں کو رد کردیا

سیزر کو پیش کرنے والی فرانسیسی فلم اکیڈمی نے کہاکہ ’’جولیا رابرٹس نہ صرف ایک فلمی ستارہ ہیں بلکہ ایک ثقافتی آئیکن بھی ہیں جن کا اثر ان کی پرفارمنس سے کہیں زیادہ ہے۔آف اسکرین، وہ انسان دوستی کے کاموں کیلئے وقف ہے، یونیسیف کی سفیر کے طور پر خدمات انجام دے رہی ہیں اور دنیا بھر میں متعدد انسانی کوششوں کی حمایت کر رہی ہیں۔ایک ماحولیاتی وکیل، انہوں نے کرہ ارض کے تحفظ کے بارے میں دستاویزی فلموں میں اپنی آواز دی ہے اور خواتین کے حقوق کیلئے سرگرمی سے مہم چلائی ہے۔‘‘ رابرٹس کو حال ہی میں سائنس فائی تھرلر فلم ’’ لیو دی ورلڈ بی ہائینڈ‘‘ میں دیکھا گیا تھا، جس میں شریک اداکار ایتھن ہاک اور مہرشالا علی تھے۔ وہ اگلی بار لوکا گواڈاگنینو کی آنے والی تھرلر فلم ’’آفٹر دی ہنٹ ‘‘میں نظر آئیں گی۔