’’کریش فرینچائز‘‘ کی چوتھی فلم ’’کریش ۴‘‘ کی ہدایتکاری کے فرائضرتیک روشن انجام دیں گے۔ یاد رہے کہ’’کریش فرینچائز‘‘ کی پہلی فلم ’’کوئی مل گیا‘‘ ۲۰۰۳ءمیں ریلیز ہوئی تھی۔

رتیک روشن ہندوستانی سنیما کی سپر ہیرو فرینچائز ’کریش‘‘کی چوتھی فلم کی ہدایتکاری کےفرائض انجام دیں گے۔ ذرائع کے مطابق ’’کریش ۴‘‘ کو آدتیہ چوپڑہ راکیش روشن کے اشتراک کےساتھ پروڈیوس کریں گے۔ اس فلم کی شوٹنگ ۲۰۲۶ءمیں شروع ہوگی۔ اس فلم کے ذریعے رتیک روشن بطور ہدایتکار اپنے سفر کی شروعات کریں گے۔ 

یہ بھی پڑھئے: خراج عقیدت: موسیقار ایس این ترپاٹھی متعدد خصوصیات کے مالک تھے

ایک رپورٹ میں یہ کہا گیا ہے کہ ’’رتیک روشن ’’کریش ۴‘‘ میں اداکاری بھی کریں گے جبکہ وہ اس فلم کو ڈائریکٹ بھی کریں گے۔ ’’کریش‘‘کاشمار ہندوستانی سنیما کی بڑی سپروہیروفرینچائز میں ہوتاہے۔ یاد رہے کہ ’’کوئی مل گیا‘‘ ،’’کریش‘‘فرینچائزکی پہلی فلم ہے جو ۲۰۰۳ءمیں ریلیز ہوئی تھی۔ بعد ازیں اس فرینچائز کی دو اور فلمیں ’’کریش ۲‘‘اور ’’کریش ۳‘‘ ریلیز ہوئی تھیں۔ فلم کی اسکرپٹ تیار ہے اورپری پروڈکشن کی شروعات ہوچکی ہے کیونکہ اس کی شوٹنگ ۲۰۲۶ءمیں شروع ہوگی۔‘‘ ’’کریش ۳‘‘ ۲۰۱۳ء میں ریلیز ہوئی تھی اور تب سے مداح ’’کریش ۴‘‘کا انتظار کررہے ہیں۔رتیک روشن ’’کریش فرینچائز‘‘کے ساتھ ہمیشہ سرخیوں میں رہے ہیں۔ تاہم، اب تک فلم کی کاسٹ کا اعلان نہیں کیا گیا ہے۔