عامر خان اور کرن راؤ کی فلم ’’لاپتہ لیڈیز‘‘ کو جاپان کے اکیڈمی فلم پرائز میں بہترین بین الاقوامی فلم کی فہرست میں شامل کیا گیا ہے۔ یاد رہے کہ اس فلم نے آسکر میں بھی نامزدگی حاصل کی تھی۔ مقامی باکس آفس کے علاوہ فلم نے جاپان میں بھی بہترین کارکردگی کا مظاہرہ کیا تھا۔

عامر خان پروڈکشن اور کرن راؤ کی ہدایتکاری میں بنی فلم ’’لاپتہ لیڈیز‘‘ کو جاپان اکیڈمی فلم پرائز ۲۰۲۴ء میں بہترین بین الاقوامی فلم کی کیٹیگری کیلئے شارٹ لسٹ کیا گیا ہے۔ یہ فلم کیلئے بہترین کامیابی ہے کیونکہ اس فلم نے اب عالمی شہرت حاصل کرلی ہے۔۱۴؍ مارچ ۲۰۲۵ء کو جاپان اکیڈمی فلم پرائز کی تقریب میں بہترین بین الاقوامی فلم کے انعام کا اعلان کیا جائے گا۔ ایک ذرائع میں یہ انکشاف کیا گیا ہے کہ ’’۲۰۲۴ء میں جاپان میں ریلیز کی گئی ۲۰۴؍ فلموں میں سے ’’لاپتہ لیڈیز‘‘ بھی پانچ بین الاقوامی فلموں میں شامل کی گئی ہے۔‘‘

یہ بھی پڑھئے: ’اسکائی فورس‘ نے اکشے کمار کی فلم ’کھیل کھیل میں‘ کے لائف ٹائم کلیکشن کو مات دی

’’لاپتہ لیڈیز‘‘کو یہ ایوارڈ حاصل کرنے کیلئے کرسٹوفرنولن کی فلم ’’اوپن ہائمر‘‘، یارگوس لانتیموس کی فلم ’’پور تھنگز‘‘، جوناتھن گلیزر کی فلم ’’دی زون آف انٹرسٹ‘‘ اور ایلیکس گارلینڈ کی فلم ’’سیول وار‘‘سے مقابلہ کرنا ہوگا۔ جیو اسٹوڈیو کے ذریعے پیش کردہ اس فلم کی ہدایتکاری کے فرائض کرن راؤ نے انجام دیئے ہیں جبکہ اسے عامر خان اور جیوتی دیش پانڈے نے پروڈیوس کیا ہے۔ اس فلم کو عامر خان اورکنڈلنگ پروڈکشن کے تحت پروڈیوس کیا گیا ہے۔ یہ فلم بپلاپ گوسوامی کی ایوارڈ یافتہ اسکرپٹ پر مبنی ہے۔ فلم کا اسکرن پلے اور مکالمہ نگاری اسنیہا دیسائی نے کی ہے جبکہ دیویانشی شرما نے اس میں اضافہ مکالمے بھی شامل کئے ہیں۔

یہ بھی پڑھئے: بنگلہ دیش کی خواتین ٹیم نے ویسٹ انڈیز کو۱۰؍ وکٹوں سے شکست دے دی

گزشتہ ماہ ’’لاپتہ لیڈیز‘‘ کے آسکر ایوارڈ کیلئے شارٹ لسٹ نہ کئے جانے پر عامر خان نے کہا تھا کہ ’’لاپتہ لیڈیز‘‘ کو اکیڈمی ایوارڈز کیلئے شارٹ لسٹ نہیں کیا جاسکا ہے ۔ ہمیں افسوس ہے لیکن ہم اس سفر میں حاصل کئے گئے اعتماد اور تعاون کیلئے آپ کے شکرگزار ہیں۔ خان پروڈکشن، جیو اسٹوڈیوز اور کنڈلنگ پروڈکشن کے ذریعے اکیڈمی کے ممبران اور ایف ایف آئی جیوری کا شکریہ ادا کرتے ہیں کہ انہوں نے اس فلم کو آسکر ایوارڈز کیلئے نامزد کیا۔‘‘

یہ بھی پڑھئے: پنسلوانیا میں فلسطینی طالب علم کو انتہا پسند کہنے پر امریکی ٹیچر معطل

انہوں نے مزید کہا کیہ ’’ہمارے لئے یہ اعزاز کی بات ہے کہ اتنی عظیم فلموں کے ساتھ ہماری فلم کو بھی آسکر کیلئے نامزد کیا گیا ہے۔ ہم دنیا بھر کے تمام مداحوں کا شکریہ ادا کرتے ہیں کہ انہوں نے تعاون کا مظاہرہ کیا۔ آسکر کیلئے شارٹ لسٹ کی گئی ۱۵؍فلموں کی ٹیموں کو مبارکباد پیش کرتے ہیں اور اگلے قدم کیلئے ان کیلئے نیک خواہشات کا اظہار کرتے ہیں۔ ہمارے لئے یہ اختتام نہیں ہے، ہم آگے بڑھیں گے۔ ہم دنیا تک اتنی طاقتور کہانیاں پہنچانے کے اپنے مقصد پر قائم رہیں گے ۔اس سفر کا حصہ بننے کیلئے شکریہ۔‘‘ یاد رہے کہ عامر خان اور کرن راؤ کی فلم نے جاپان میں بھی بہترین کارکردگی کا مظاہرہ کیا تھا۔