’’اسکائی فورس‘‘ نے باکس آفس پر شاندار کارکردگی کا مظاہرہ کرتے ہوئے صرف تین دنوں میں اکشے کمار کی پرانی فلم ’’کھیل کھیل میں‘‘ کے لائف ٹائم کلیکشن کومات دے دی ہے۔

۲۰۲۵ء کی شروعات باکس آفس پر اکشے کمار کی فلم ’’اسکائی فورس‘‘ سے ہوئی تھی جس نے باکس آفس پر بہترین کارکردگی کا مظاہرہ کیا ہے۔ اکشے کمار کی اس فلم نے صرف تین دنوں میں ان کی پرانی فلم ’’کھیل کھیل میں‘‘کے لائف ٹائم کلیکشن کو مات دے دی ہے۔

فلم کا کلیکشن 
ساکنک کی رپورٹ کے مطابق ’’اکشے کمار کی فلم’’اسکائی فورس‘‘ نے مقامی باکس آفس پر اپنی ریلیز کے تیسرےدن یعنی اتوار کو ۵۰ء۲۷؍ کروڑ روپے کا کاروبار کیا ہے۔ ’’اسکائی فورس‘‘نے صرف تین دن میں ۷۵ء۶۱؍ کروڑ روپے کا کاروبار کر لیا ہےاور اکشے کمار کی فلم ’’کھیل کھیل میں‘‘ کےلائف ٹائم ریکارڈ (۷۸ء۵۶؍ کروڑ روپے)کو مات دے دی ہے۔اب تک کوئی سرکاری اطلاعات جاری نہیں کی گئی ہے کہ اسکائی فورس نے عالمی باکس پر کتنا کاروبار کیا ہے۔ تاہم، فلم نے اپنی ریلیز کےپہلے دو دنوں یعنی جمعہ اور سنیچر کو عالمی سطح پر ۲۸ء ۵۲؍کروڑ روپے کا کاروبار کیا ہے۔

#SkyForce India Net Collection

Day 3: 28 Cr

Total: 62.25 Cr
India Gross: 74.5 Cr
Details: https://t.co/Iyq6MFF2tu

— Sacnilk Entertainment (@SacnilkEntmt) January 27, 2025

اسکائی فورس کو اس کی ریلیز کے بعد ہی ’’زبانی تشہیر ‘‘ کے ذریعے مثبت ردعمل موصول ہواہے۔ فلم صحافی ہمیش منکند نے لکھا ہے کہ ’’اسکائی فورس ‘‘ایسی فلم ہے جو ’’مراعات‘‘، ’’مدد‘‘ اور کچھ پی آر کے دباؤ کے بغیر صرف اپنے مواد کی بنیاد پر باکس آفس پربہترین کاروبار کرسکتی ہے۔ اس فلم کومداحوں کی جانب سے سراہا جارہاہے۔اس فلم نے ایک مرتبہ پھر اکشے کمار کو شہرت عطا کی ہے اور اکشے کمار نے فلم میں بہترین اداکاری کی ہے اور وہ تمام اعزازت سے سرفراز کئےجانے کے قابل ہیں۔ فلم کے تعلق سے بہت سی چہ میگوئیاں کی جارہی تھیں۔ البتہ یہ ایک بہترین فلم ہے جس میں ہمارے بے نام ہیروز کو خراج عقیدت پیش کیا گیا ہے۔‘‘

یہ بھی پڑھئے: کولڈ پلے: کرس مارٹن نے یوم جمہوریہ پر وندے ماترم گا کر ہندوستانیوں کے دل جیت لئے

فلم کے تئیں مداحوں کا ردعمل
مداحوں کی جانب سے فلم کو کافی پسند کیا جارہا ہے اور ان کا کہنا ہے کہ اس فلم میں باکس آفس پر ہٹ ہونے کی طاقت ہے۔سوشل میڈیا پر ایک صارف نے لکھا ہے کہ ’’میڈوک فلمز نے بہترین کارکردگی کامظاہرہ کیا ہے اور اس فلم کو اچھے طریقے سے ڈھالنے کی کوشش کی ہے ۔یہ فلم میڈوک کی پرانی فلموں کی طرح نہیں ہے۔‘‘

The content of #SkyForce has the merits to fly high at the box-office, even without the offers, incentives, ancillaries, and the overtly high push from some in PR.

There is a near unanimous appreciation from the audience watching it, and brings back the goodwill & credibility… pic.twitter.com/nJVH8bAxWB

— Himesh (@HimeshMankad) January 26, 2025

دوسرے صارف نے لکھاہے کہ ’’اسکائی فورس‘‘ اچھی فلم ہے۔ رعایت میں ملنے والی ٹکٹس کی وجہ سے زیادہ تعداد میں مداح اس فلم کو دیکھنے کیلئے آئے اور ’’زبانی تشہیر‘‘ نے بھی فلم کی کارکردگی میں اضافہ کیا۔‘‘ تیسرے صارف نے لکھا ہے کہ ’’کچھ لوگ یہ سوچ رہے تھے کہ یہ اگلی فائٹر ہے۔ مداحوں میں فلم کا جنون ہے۔ فلمسازوں نے رعایت دے کر اچھا کیا۔ بلاشبہ یہ ایک بہترین فلم ہے۔ میں اکشے کمار کیلئے بہت خوش ہوں۔ کچھ برسوں کے بعد وہ دوبارہ اپنی ساکھ قائم کرنے میں کامیاب رہے۔‘‘

اسکائے فورس کے بارے میں
اسکائی فورس میں اکشے کمار، ویر پہاریہ اور سارہ علی خان نے کلیدی کردارادا کیا ہے۔ اس فلم میں پاکستان کے حملے کے بعد ہندوستان کے جنوبی حملے کی کہانی بیان کی گئی ہے۔