لیڈی گاگا نیٹ فلکس کی مشہور سیریز وینز ڈے کے سیزن ۲؍ میں نظر آئیں گی۔ خیال رہے کہ وینز ڈے کا سیزن ون نیٹ فلکس پر ریلیز کیا جاچکا ہے۔

لیڈی گاگا نیٹ فلکس سیریز ’’وینزڈے‘‘ کے سیزن ۲؍ میں نظر آئیں گی۔ خیال رہے کہ الفریڈ گف اور مائلس ملر کی یہ سیریز ’’دی ایڈمس فیملی‘‘ کی وینز ڈے ایڈمز پر مبنی ہے۔ ’’وینز ڈے‘‘ کا پہلا سیزن نومبر ۲۰۲۲ء کو ریلیز ہوا تھا۔ اس سیریز میں جین اورٹیگا نے وینز ڈے ایڈمس کا کردار ادا کیا ہےجو اپنی اسکول میں ایک قتل کی تفتیش کرتی ہے۔ ٹائم برٹن نے اس سیریز کے پہلے سیزن کی ہدایتکاری کےفرائض انجام دیئے تھے۔ انٹرٹینمنٹ ویکلی کے مطابق ’’وینز ڈے‘‘ میں لیڈی گاگا کے کردار کو مخفی رکھا گیا ہے۔ ذرائع کے مطابق ’’پروڈکشن ٹیم نے ابتدائی طور پر لیڈی گاگا کو بڑے رول کیلئے کاسٹ کرنے کا فیصلہ کیا ہے۔‘‘ 

یہ بھی پڑھئے: عباس مستان کی ’’اعتراض‘‘ کے سیکویل ’’اعتراض ۲‘‘ کا اعلان

وینز ڈے کے سیزن ۲؍میں کرسٹوفر لوید، جوانا لاملی، تھانڈیوے نیوٹن، فرانسس او کونر، ہیلی جوئل اوسمنٹ، هتر ماتارازو اور جوناس سوماتو بھی نظرآسکتے ہیں۔ وینز ڈے کے دوسرے سیزن میں جین اورٹیگا،ہنٹر ڈوہان، ایما مائرس، جوئے سنڈے، لوئس گزمین، کیتھرین زیٹاجونس، آئزک فریڈ ، آئزک آرڈونیزبھی نظر آئیں گے۔ خیال رہے کہ لیڈی گاگا حال ہی میںجوکر کےسیکوئل میں نظر آئی تھیں۔