پاکستانی ادکارہ ماورا حسین نے یوٹیوب پر اپنے ایک انٹرویو میں رنبیر کپور کو شاہ رخ خان سے بہتر اداکار قراردیا۔ سوشل میڈیا پر صارفین نے انہیں ٹرول کیا۔یاد رہے کہ ماورا حسین اور ہرش وردھن کی فلم ’’صنم تیری قسم‘‘ باکس آفس پر ری ریلیز ہوئی ہے۔

’’صنم تیری قسم‘‘ کی ادکارہ ماورا حسین نے رنبیر کپور کو شاہ رخ خان سے زیادہ بہترین اداکار بتا کر انٹرنیٹ پر سونامی برپا کی ہے۔

ماورہ حسین نے کیا کہا
حال ہی میں یوٹیوب پر ایک انٹرویو کے دوران ماورا حسین سے کہا گیا تھا کہ وہ یہ بتائیں کہ شاہ رخ خان زیادہ بہترین اداکار ہیں یا رنبیر کپور ۔ ماورا حسین نے ایک سیکنڈ سے بھی کم وقت میں جواب دے دیا ’’رنبیر کپور۔‘‘

#RanbirKapoor𓃵 OR #ShahRukhKhan

-- Mawra Hocane (Sanam Teri Kasam Actress) pic.twitter.com/OyKTmC18TI

— V🐧 (@V_for___) February 19, 2025

سوشل میڈیا پر ردعمل 
یہ ویڈیو سوشل میڈیا پر وائرل ہورہا ہے اور مداح اس پر ردعمل کا بھی اظہار کر رہے ہیں۔ متعدد صارفین نے ان کی رائے کی قدر کی جبکہ دیگر نے کہا کہ ماورا حسین ہمیشہ رنبیرکپور کی مداح رہی ہوں گی۔ ایک صارف نے کمینٹ کیا کہ ’’ہراداکار اورسنیما سے رغبت رکھنے والا ہر شخص اس بات کا شاہد ہے کہ شاہ رخ خان بلاشبہ ایک بہترین اداکار ہیں لیکن ہم نے ۲۰۰۷ء سے کوئی قابل ذکر پرفارمنس نہیں دیکھا۔ انہوں نے ۳۰؍ سال تک صرف لور بائے کا کردار ادا کیا ہے پھر انہیں کون ہی اداکار مانے گا۔ رنبیرنے کم وقت میں مختلف کردار ادا کئے ہیں۔ یہ بحث کی بات ہی نہیں ہے۔‘‘

یہ بھی پڑھئے: ابراہیم علی خان اور خوشی کپور کی فلم ’’نادانیاں‘‘ ۷؍ مارچ ۲۰۲۵ءکو ریلیز ہوگی

دوسرے صارف نے لکھا ہے کہ ’’بہترین انتخاب۔ نہ ہی رنبیر کپور نے انہیں ذاتی ویڈیو پیغام بھیجا ہے۔ وہ کچھ برسوں قبل رشی کپور سے ملاقات کیلئے لندن میں تھیں جب وہ اپنے علاج کیلئے وہاں موجود تھے۔‘‘ تیسرے صارف نے لکھا ہے کہ ’’اگر کسی کو انٹرنیٹ پر شہرت حاصل کرنی ہے تو وہ ویڈیو میں رنبیرکپور کی تعریف کردے۔‘‘

’’صنم تیری قسم‘‘ کا کلیکشن 
یادرہے کہ ماورا حسین اور ہرش وردھن کی فلم ’’صنم تیری قسم‘‘اپنی ری ریلیز کے بعد سب سے زیادہ کاروبار کرنے والی فلم ثابت ہوئی ہے۔ اس فلم نے ۹ء۳۱؍کروڑ روپے کا کاروبار کیا ہے۔ فی الحال یہ فلم باکس آفس پر موجود ہے اور ۵۰؍ کروڑ روپے کا کاروبار کر سکتی ہے۔ ’’صنم تیری قسم‘‘ رامینٹک ڈراما فلم ہے۔ اس کے فلمسازوں نے اس کے سیکوئل کا اعلان بھی کردیا ہے جو اگلے سال ویلنٹائن ڈےپر ریلیز ہوگی۔