موسیقار اے آر رحمان اور ان کی بیوی نے علاحدگی اختیار کر لی، اس طلاق کے تعلق سےانہوں نے ایک جذباتی پوسٹ لکھا، ان کی شادی کے ۳۰؍ سال مکمل ہونے سے پہلےہی دونوں نے ایک دوسرے سے علاحدہ ہونے کا فیصلہ کیا۔ان کی دو بیٹیاں اور ایک بیٹا ہے۔

موسیقار اے آر رحمان نے بدھ کو ایکس پر ایک جذباتی نوٹ لکھا  ’’ ہمیں ان حسین ساتھ کے تیس سال مکمل ہونے کی امید تھی، لیکن ایسا لگتا ہے کہ ہر چیز کا ایک نادیدہ انجام ہوتا ہے۔ یہاں تک کہ خدا کا تخت بھی ٹوٹے ہوئے دلوں کے بوجھ سے کانپتا ہے۔ پھر بھی، اس بکھرنے میں، ہم معنی تلاش کررہے ہیں۔اگرچہ یہ بکھرے ہوئے لمحے دوبارہ اپنا مقام نہیں پا سکتے، ہم ایک نازک دور سے گزر رہے ہیں، تمام دوستوں کا شکریہ جو انہوں نے ہماری نجی زندگی کی رازداری کا احترام کیا۔‘‘اسی کے ساتھ رحمان نے ہیش ٹیگ اے آر ر سائرہ بریک اپ بھی شامل کیا۔

ئی بھی پڑھئے: فن کی سرحد نہیں ہوتی: ریدھی ڈوگرہ نے فواد خان کے ساتھ کام کرنے کے متعلق کہا

ان کی بیٹی خدیجہ رحمان نے اپنے انسٹا گرام پوسٹ میں لکھا،’’ میرے لئے یہ بات نہایت قابل ستائش ہوگی اگر اس معاملے میں انتہائی رازداری اور احترام کا پاس رکھا جائے۔آپ کی فکر مندی کا شکریہ۔‘‘ اے آر رحمان کے بیٹے امین نے بھی انسٹا اسٹوریز پر جاکر نجی زندگی کی رازداری کا احترام کرنے کی درخواست کی۔

“We had hoped to reach the grand thirty, but all things, it seems, carry an unseen end. Even the throne of God might tremble at the weight of broken hearts. Yet, in this shattering, we seek meaning, though the pieces may not find their place again. To our friends, thank you for…

— A.R.Rahman (@arrahman) November 19, 2024

واضح رہے کہ اے آر رحمان اور سائرہ نے ۱۹۹۵ء میں نکاح کیا تھا، ان کے تین بچے ہیں خدیجہ، رحیمہ، اور امین۔منگل کو ان کی وکیل وندنا شاہ نے ایک بیان میں کہا کہ دونوں نے تعلقات میں جذباتی تناؤ کے بعد علا حدگی کا فیصلہ کیا۔پہلے سائرہ نےعلاحدگی کا اعلان کیا اس کے بعد ایک مشترکہ بیان جاری کیا گیا۔ جس کے مطابق ’’ شادی کے کئی سالوں کے بعد، سائرہ اور ان کے شوہر اے آر رحمان نے ایک دوسرے سے علاحدگی کا مشکل فیصلہ کیا ہے۔ یہ فیصلہ ان کے تعلقات میں اہم جذباتی تناؤ کے بعد آیا ہے۔ ایک دوسرے سے گہری محبت کے باوجود، جوڑے نے نے پایا کہ تناؤ اور مشکلات نے ان کے درمیان ایک ناقابل تسخیر خلیج پیدا کر دی ہے، جسے اس وقت کوئی بھی فریق خود کو پاٹنے کے قابل محسوس نہیں کرتا۔‘‘