وزیر اعظم نریندر مودی نے اپنے ایکس اکاؤنٹ کے ذریعے بالی ووڈ کے مشہوراداکار راج کپور کو ان کی سالگرہ کے موقع پر خراج عقیدت پیش کیا ہے۔ یاد رہے کہ اس ہفتے کے اوائل میں کپور خاندان نے مودی سے ملاقات کر کے انہیں راج کپورکے اعزاز میں رکھے ہوئے فلم فیسٹیول کیلئے مدعو کیا تھا۔

وزیر اعظم نریندر مودی نے آج بالی ووڈ کے معروف اداکار راج کپور کی سالگرہ کے موقع پر انہیں خراج عقیدت پیش کیا ہے۔ مودی نے اپنے ٹویٹر اکاؤنٹ پر ایک پوسٹ شیئر کیا ہے جس میں انہوں نے لکھا ہے کہ ’’راج کپور نے ہندوستانی اور بین الاقوامی سنیما پر کبھی نہ مٹنے والی چھاپ چھوڑی ہے۔‘‘ یاد رہے کہ اس ہفتے کے آغاز میں راج کپور کے اہل خانہ، جن میں کرینہ کپور خان، رنبیر کپور، نیتو کپور، کرشمہ کپور و دیگر شامل ہیں، نے وزیر اعظم نریندر مودی سے ملاقات کی تھی اور انہیں راج کپور کی ۱۰۰؍ ویں سالگرہ کے جشن کے موقع پر منعقد کئے گئے فیسٹیول میں مدعو کیا تھا۔

Shri Raj Kapoor was not just a filmmaker but a cultural ambassador who took Indian cinema to the global stage. Generations of filmmakers and actors can learn so much from him. I once again pay tributes to him and recall his contribution to the creative world.

— Narendra Modi (@narendramodi) December 14, 2024

The iconic characters and unforgettable melodies of Raj Kapoor films continue to resonate with audiences worldwide. People admire how his works highlight diverse themes with ease and excellence. The music of his films is also extremely popular.

— Narendra Modi (@narendramodi) December 14, 2024

فیسٹیول میں راج کپور کی فلموں کی نمائش کی جائے گی جن میں آگ (۱۹۴۸ء)، برسات (۱۹۴۹ء)، آوارہ (۱۹۵۱ء)، شری ۴۲۰؍ (۱۹۵۵ء)، جاگتے رہو (۱۹۵۶ء)، جس دیش میں گنگا بہتی ہے (۱۹۶۰ء)، سنگم (۱۹۶۴ء)، میرانام جوکر (۱۹۷۰ء) اور رام تیری گنگا میلی (۱۹۸۵ء)شامل ہیں۔ قبل ازیں رنبیر کپور نے کہا تھا کہ ’’ہمیں فخر ہے کہ ہم راج کپور کے خاندان سے تعلق رکھتے ہیں۔‘‘

یہ بھی پڑھئے: پون کلیان، حنا خان اور نمرت کورگوگل پر سب سے زیادہ سرچ کئے گئے ہندوستانی

’’ہم اس شخص کی نسل سے ہیں جن کی فلموں نے اپنے زمانے کے حالات کی کامیاب منظر کشی کی  اور عوام کی آواز بنی رہیں۔ ان کی فلموں نے آج بھی لوگوں کو متاثر کرنا جاری رکھا ہے۔ ہم نے یہ فیسٹیول اسی عظیم شخصیت کے اعزاز میں رکھا ہے تا کہ ہم لوگوں کو بڑی اسکرین پر ان کا جادو دکھا سکیں۔ ‘‘اس فیسٹیول کے تحت دکھائی جانے والی راج کپور کی تمام فلموں کی ٹکٹیں ۱۰۰؍ روپے سے شروع ہوں گی۔