حال ہی میں یہ انکشاف ہوا ہے کہ سنسر بورڈ نے فلم ’’پشپا۲: دی رول‘‘ کو’یواے ‘ سرٹیفکیٹ دیا ہے۔ تاہم، اب ایک نئی رپورٹ میں دعویٰ کیا گیا ہے کہ اس فلم کو چند تبدیلیوں کے بعد ہی سرٹیفیکیشن ملا ہے۔

اب سے ایک ہفتے بعد،’’ پشپا۲: دی رول‘‘ تھیٹر میں نمائش کیلئے پیش کیا جائے گا۔شائقین کو اللو ارجن اسٹارر کا بے صبری سے انتظارہیں۔حال ہی میں یہ انکشاف ہوا ہے کہ سنسر بورڈ نے فلم کو’یواے ‘ سرٹیفکیٹ دیا ہے۔ تاہم، اب ایک نئی رپورٹ میں دعویٰ کیا گیا ہے کہ اس فلم کو چند تبدیلیوں کے بعد ہی سرٹیفیکیشن ملا ہے۔’’ بالی ووڈ ہنگامہ‘‘ کی رپورٹ کے مطابق سی بی ایف سی نے’’ پشپا۲: دی رول‘‘ کے بنانے والوں سے فلم میں تین جگہوں سےمتنازع لفظ کو حذف کرنے کو کہا تھا۔ اس کے علاوہ’ `ڈینگوڈی‘ اور’ `وینکٹیشور‘ کے الفاظ بھی ہٹا دیئے گئے۔سنسر بورڈ نے فلم سے کچھ حد سے زیادہ پرتشدد مناظر کو بھی ہٹا دیا۔

یہ بھی پڑھئے: نین تارا اور دھنش معاملہ: ویڈیو فوٹیج قانونی طور پر استعمال کیا گیا ہے: وکیل

واضح رہے کہ ’’پشپا۲: دی رول‘‘ میں اللو ارجن نے پشپا راج کا کردار ادا کیا جبکہ رشمیکا مندانا سری والی کے کردار میں واپس آئیں گی۔ فہد فاصل پولیس اہلکار بھنور سنگھ شیخاوت کے کردار کو بھی دہرائیں گے - فلم ۵؍ دسمبر ۲۰۲۴ء کو سینما گھروں میں ریلیز کی جائے گی۔