ڈزنی کی لائیو ایکشن ری میک فلم’’اسنو وہائٹ‘‘ ہندوستان میں اپنی ریلیز کے پہلے دن سب سےکم کاروبار کرنےوالی فلم ثابت ہوئی ہے۔ اس فلم میں گیل گدوت اور راشیل زیگلر نے کلیدی کردار ادا کئے ہیں۔

ڈزنی کی لائیو ایکشن ری میک فلم ’’اسنووہائٹ‘‘, جس میں راشیل زیگلر اور گیل گدوت نے اداکاری کی ہے، نے ہندوستانی باکس آفس پر بہترین کاروبار کرنے میں ناکامیاب ہورہی ہے۔ تجارتی تجزیہ کاروں کی رپورٹ کے مطابق یہ امسال ہندوستان میں ہالی ووڈ کی سب سے کم کاروبار کرنے والی فلم ثابت ہوئی ہے۔ 

According to early estimates, #SnowWhite has made $12M this Friday, for a total opening day of $15.5M.

Depending on how much of a drop it has on Sunday, Snow White might fall short from the $40M mark, which would be the very worst case scenario @Disney could have expected. pic.twitter.com/LoxmgO3R4M

— Global Box Office (@GlobalBoxOff) March 22, 2025

مارک ویب کی ہدایتکاری میں بنی یہ فلم ایک کلاسیکل فیری ٹیل ہے جس نےاپنی ریلیز کے پہلے دن ہندوستان میں صرف ۶۵؍ لاکھ  روپے کا کاروبار کیا ہے۔ ’’اسنو وہائٹ‘‘ نے بالی ووڈ کی فلموں جیسے ’’چھاوا‘‘ اور ’’ڈپلومیٹ‘‘ سے بھی کم کاروبار کیا ہے۔ اس فلم نے شمالی امریکہ میں اپنی ریلیز کے پلے دن ۵ء۱۵؍ امریکی ڈالر کا کاروبار کیا ہے جن میں جمعرات کی رات پریووز میں کیا گیا ۵ء۳؍ کروڑ روپے کا کاروبار بھی شمال ہے۔ اندازے کے مطابق یہ فلم امریکہ میں ۴۵؍ ملین تا ۵۵؍ ملین امریکی ڈالر کا کاروبارکرسکتی ہے۔

یہ بھی پڑھئے: وِل اسمتھ کا پہلا میوزک البم ۲۸؍ مارچ کو ریلیز ہوگا 

’’اسنو وہائٹ‘‘ نے لائیو ایکشن کے ٹرینڈ کو جاری رکھا ہے۔ قبل ازیں اسی طرز پر’’دی لائن کنگ‘‘ (۲۰۱۹ء) اور ’’الہ دین‘‘(۲۰۱۹ء)بنائی جاچکی ہیں جنہوں نے عالمی باکس آفس پرایک بلین امریکی ڈالر سے زیادہ کی کمائی کی تھی۔ دیگر فلمیں جیسے ’’ڈمبو‘‘ (۲۰۱۹ء) اور’’دی لٹل مرمیڈ‘‘ (۲۰۲۳ء) اپنے بجٹ کو مکمل کرنے کیلئے جدوجہدکررہی ہیں۔