آج پرائم ویڈیو نے رجت کپور کی ہارر سیریز ’’خوف‘‘ کا اعلان کیا ہے جو ۱۸؍ اپریل ۲۰۲۵ءکو ریلیز ہوگی۔ ۸؍ ایپی سوڈز پر مبنی اس سیریز میں رجت کپور کے علاوہ مونیکاپنوار،ابھیشیک چوہان اور گیتانجلی کرشنن نے بھی اداکاری کی ہے۔

پرائم ویڈیو نے آج اپنے آنے والی سپسنس ہارر سیریز کا اعلان کیا ہے۔ اس سیریز کو اسمیتا سنگھ، سنجے راؤترے، سریتا پاٹل اور اسمیتا سنگھ نے پروڈیوس کیا ہے۔ اس سیریز کی ہدایتکاری کے فرائض پنکج کمار اور سوریا بال کرشنن نے انجام دیئے ہیں۔ ۸؍ ایپی سوڈ پر مبنی اس سیریز میں مونیکا پنوار،رجت کپور،ابھیشیک چوہان، گیتانجلی کلکرنی اور شلپا شکلا نے اداکاری کی ہے۔

یہ بھی پڑھئے: ’’کریش ۴‘‘ کی ہدایتکاری رتیک روشن کریں گے

’’خوف‘‘
اس سیریز میں مدھو نامی ایک خاتون کی کہانی بیان کی گئی ہے جو نیو سٹی کے ایک ہوسٹل میں ایک نئی شروعات کیلئے پناہ لیتی ہیں۔ مدھو ہوسٹل کے خفیہ رازوں کی سیاہ تاریخ سے بے خبر ہوتی ہے۔ جیسے ہی وہ اپنے ماضی سے بھاگنے کی کوشش کرتی ہے اسے غیر واضح قوتوں کا سامنا کرنا پڑتا ہے۔ پرائم ویڈیو انڈیا کے ہیڈ آف اورینجنلس نکھیل مودک نے کہا کہ ’’سسپنس اور ہارر سیریز میں مداحوں کو اپنی جانب راغب کرنے کی قوت ہوتی ہے کیونکہ اس طرح کی سیریز میں نفسیاتی گہرائی ہوتی ہے جو اسے کہانی بیان کرنے کی دیگر اقسام میں منفرد بناتی ہے۔ ’’خوف‘‘ نے اپنی دلچسپ کہانی کے ذریعے اس صنف کو مزید قوت بخشی ہے۔‘‘