رپورٹس کے مطابق جیولری ڈیزائنر آئنیز دی ریمون نے انجلینا جولی اور بریڈ پٹ کی طلاق کے تصفیے میں اہم کردار ادا کیا ہے۔

کیا آئنیز دی ریمون نے بریڈ پٹ اور انجلینا جولی کی طلاق کے تصفیے میں کوئی کردار ادا کیا ہے؟ رپورٹس نے مثبت اشاروں کا انکشاف کیا ہے۔ تقریباً ۸؍ سال بعد ۳۰؍ دسمبر ۲۰۲۴ء کو بریڈ اور انجلینا نے بالآخر طلاق کے کاغذات پر دستخط کئے۔ ذرائع کے مطابق، یہ پیشے سے جیولری ڈیزائنر آئنیز تھیں جنہوں نے بریڈ کو انجلینا سے قانونی طور پر چیزیں منقطع کرنے پر مجبور کیا تاکہ وہ اپنے معشوق بریڈ کے ساتھ نئی زندگی کی شروعات کر سکیں۔ واضح رہے کہ انجلینا نے ۲۰۱۶ء میں اپنی شادی کے خاتمے کیلئے درخواست دائر کی تھی۔ پیج ۶؍ کی ایک رپورٹ کے مطابق، بریڈ پٹ کو آئنیز دی ریمن نے طلاق کا معاملہ طے کرنے کیلئے ’’متاثر‘‘ کیا تھا۔ ایک اندرونی ذرائع نے دعویٰ کیا ہے کہ آئنیز دی ریمن، بریڈ پٹ پر ’’مثبت اثر‘‘ ثابت ہوئی ہیں۔ مختلف چیزوں کے بارے میں ان کا نقطہ نظر واقعی اچھا سمجھا جاتا ہے۔ ذرائع نے مزید کہا کہ دونوں فریقوں کو احساس ہو گیا تھا کہ  اب قانونی طور پر علاحدہ ہونے اور آگے بڑھنے کا وقت آگیا ہے اس لئے انہیں باہمی طور پر معاہدوں پر دستخط کردینے چاہئیں۔ 

یہ بھی پڑھئے: ’استری ۳‘ سمیت میڈڈوک کی دیگر فلموں کی ریلیز کی تاریخوں کا اعلان

نجی ہوائی جہاز کے تنازع سے لے کر انجلینا جولی کی اپنی شریک ملکیت فرانسیسی وائنری چیٹو میراول کا اپنا حصہ بیچنے تک، کئی عوامل نے اس طلاق میں اہم کردار ادا کیا ہے۔ انجلینا نے بریڈ پر جسمانی طور پر حملہ کرنے کا الزام لگایا۔ اداکارہ نے یہاں تک دعویٰ کیا کہ بریڈ نے فرانس سے امریکہ جاتے وقت ان کے بچوں کے ساتھ بدسلوکی کی۔ طلاق کے تصفیے کے بعد، انجلینا جولی کے وکیل جیمز سائمن آف ہرش مینس نے پیپل میگزین کو بتایا کہ ان کے مؤکل نے بریڈ پٹ کے ساتھ شیئر کی گئی تمام جائیدادیں چھوڑ دیں۔ وکیل نے کہا تھا کہ ’’انجلینا تھک چکی ہیں، لیکن انہیں سکون ہے کہ یہ لڑائی اب ختم ہوگئی ہے۔ تاہم، فرانسیسی وائنری کا مقدمہ ابھی جاری ہے۔‘‘