سلمان خان اور عامر خان کی اداکاری سے مزین فلم ’’انداز اپنا اپنا‘‘ ۲۵؍اپریل ۲۰۲۵ءکو ری ریلیز ہوگی۔

سلمان خان کی فلم ’’سکندر‘‘ کی ریلیز کے بعد بالی ووڈکی کلاسیک کامیڈی فلم ’’اندازاپنا اپنا‘‘ ۲۵؍ اپریل ۲۰۲۵ء کو سنیما گھروں میں ری ریلیز ہوگی۔ یاد رہے کہ ۱۹۹۴ءکی یہ فلم اپنے پرفارمنس، کاسٹ اور وقت کیلئے مشہور ہے۔ عامر خان نے آج فلم کی ری ریلیز کی تاریخ کا اعلان کیا ہے۔ 

#SalmanKhan and #AamirKhan
ANDAZ APNA APNA is re-releasing in cinemas from 25th April.#andazapnaapnapic.twitter.com/c8GwZor7dN

— 🇸‌🇰‌🇲‌ (@theskm20) April 7, 2025

سلمان خان نے فلم کا ٹریلر جاری کیا ہے جس میں ’’انداز اپنا اپنا‘‘ کے بہترین مناظر کو شامل کیا گیا ہے۔ انہوں نے فلم کے ٹریلرکے کیپشن میں لکھا ہے کہ ’’امر پریم کا انداز واپس آرہا ہے۔‘‘ سلمان خان کے مطابق ’’انداز اپنا اپنا‘‘۲۵؍ اپریل ۲۰۲۵ء کو ری ریلیز ہوگی۔

یہ بھی پڑھئے: ’’بیلیرینا‘‘ میں کیانو ریوز ’’جان وِک‘‘ کے کردار میں لوٹیں گے

فلم کا ٹریلر دیکھنے کے بعد مداحوں نے اپنے تجسس کا اظہار کیا۔قبل ازیں فلم کے انسٹاگرام ہینڈل نے فلم کا پوسٹر جاری کرتے ہوئے فلم کی ری ریلیز کا اعلان کیا تھا۔حال ہی میں فلم کے پروڈیوسر ونئے سنہا، پریتی سنہا اور امود سنہا نے بھی فلم کی ری ریلیزکا اعلان کیا تھا۔ انہوں نے فلم کی ری ریلیز کے تئیں اپنے تجسس کا اظہار بھی کیا تھا۔انہوں نے فلم کے سیکوئل کے تئیں عامر خان اور سلمان خان کے خیالات کے تعلق سےبھی جوش ظاہر کیاتھا۔ ’’اندازاپنا اپنا‘‘ ہندی کامیڈی فلم ہے جس میں سلمان خان اور عامر خان کے علاوہ رویناٹنڈن اور کرشمہ کپور نےکلیدی کردارادا کئے ہیں۔ اس فلم میں لیجنڈری کامک ویلن کرائم ماسٹر ’’گوگو ‘‘کو بھی شامل کیا گیا تھا جس کا کردار رشی کپور نے ادا کیا تھا۔