سلمان خان اور رشمیکا مندانا کی اداکاری سے مزین فلم ’’سکندر‘‘کا تیسرا نغمہ ’’سکندر ناچے‘‘ ریلیز کر دیا گیا ہے۔ شائقین نے اس نغمے میں سلمان خان اور رشمیکا منداناکے رقص کو کافی پسند کیا۔یاد رہے کہ اے آر مرغادوس کی ہدایتکاری میں بنی یہ فلم عید پر ریلیز ہوگی۔

سلمان خان کی اگلی فلم ’’سکندر‘‘کانغمہ ’’سکندر ناچے‘‘ ریلیز ہوچکا ہے۔ اس نغمے میں سلمان خان اور رشمیکا مندانا کے رقص کوکافی سراہا گیا ہے۔’’سکندر ناچے‘‘ کو جے اے ایم ۸؍ نے موسیقی دی ہے جبکہ ’’مکدا‘‘ اور ریف‘‘ کو سدھارتھ ملہوترا نے ترتیب دیا ہے۔

#SikandarNaache is a BANGER🔥🎵

The CATCHY TUNE, the ENERGETIC #SalmanKhan DANCE STEPS and the OVERALL ATMOSPHERE will BLAST THE SINGLE SCREENS 🚀🔥💣

Would remain a Mystery to me why @NGEMovies didn’t release it EARLIER? #Sikandar is COMING NOW 🎬✅ pic.twitter.com/05kgWJSE3r

— CineHub (@Its_CineHub) March 18, 2025

نغمے کی موسیقی سمیر انجان نے لکھی ہے جبکہ اس نغمے کو امیت مشرا ، اکاسا اور سدھارتھ ملہوترا نے گایا ہے۔ نغمے کوریوگرافی احمد خان نے کی ہے جبکہ انہوں ہی نے اسےڈائریکٹ بھی کیا ہے۔ متعدد صارفین نے اس نغمے کا موازنہ ’’ماشاء اللہ‘‘ اور ’’جمعہ کی رات‘‘ سے کیا ہے جو سلمان خان کی فلم ’’ایک تھا ٹائیگر‘‘کے مشہور نغمے ہیں۔یہ نغمہ فلم کے آخری سین میں ہوسکتا ہے۔

یہ بھی پڑھئے: ایم ایس دھونی نئے اشتہار میں ’’اینیمل‘‘ کے رنبیر کپور کی طرح نظر آئے

مداحوں کے ردعمل 
نغمے میں سلمان خان کے پرفارمنس اور فلم کی کامیابی کے امکان کی امید کو ظاہر کرتے ہوئےایک مداح نے کمینٹ کیا ہے کہ’’بھائی کیا ڈانس کیا ہے۔ بہترین۔‘‘ دوسرے مداح نے کمینٹ کیا ہے کہ ’’کوریوگرافی بہترین ہے۔ سلمان خان نے یہ کر دکھایا۔ شائقین یہی چاہتے تھے۔‘‘ تیسرے مداح نے کمینٹ کیا ہے کہ ’’سلمان خان جیسا کوئی نہیں ہے۔ ’’سکندر ناچے‘‘ میں ان کی موجودگی بہترین ہے۔ یہ ایک شاہکار نغمہ ہے۔‘‘ یاد رہے کہ سلمان خان اوررشمیکا مندانا کی اداکاری سے مزین فلم ’’سکندر‘‘عید پر ریلیز ہوگی۔ اس فلم کی ہدایتکاری اے آر مرغادوس نے کی ہے جبکہ اسے ساجد ناڈیاوالا نےپروڈیوس کیا ہے۔ سلمان اوررشمیکا کےعلاوہ فلم میں کاجل اگروال، ستیہ راج، شرمن جوشی اور پرتیک ببر نے اہم کردار ادا کئے ہیں۔