ایک انٹرویو میں سلمان خان نے کہا کہ شاید انڈسٹری کے لوگوں کو لگتا ہے کہ مجھے سپورٹ کی ضرورت نہیں ہے جبکہ ایسا نہیں ہے۔ مجھے بھی سپورٹ کی ضرورت ہے۔

سلمان خان کی فلم ’’سکندر‘‘ کو ناظرین اور ناقدین دونوں کی طرف سے سخت تنقید کا سامنا کرنا پڑ رہا ہے۔ ملے جلے ردعمل کے ساتھ یہ فلم گھریلو باکس آفس پر ۱۰۰؍ کروڑ روپے بھی نہیں کماسکی ہے۔ اس دوران سلمان خان کے انٹرویوز کا ایک کلپ وائرل ہورہا ہے۔ بالی ووڈ ببل کے ساتھ ایک انٹرویو کے دوران، میزبان نے نشاندہی کی کہ کس طرح ہندی فلم انڈسٹری ’’سکندر‘‘ کے بارے میں بڑی حد تک خاموش ہے، حالانکہ سلمان اکثر اپنے ساتھیوں اور دوستوں کی فلموں کی تشہیر کرتے ہیں۔

یہ بھی پڑھئے: ’’سکندر‘‘ چوتھے ہی دن کریش، گھریلو باکس آفس پر ۱۰۰؍ کروڑ کمانے میں ناکام

اس پر رد عمل ظاہر کرتے ہوئے سلمان نے کہا کہ ’’اُن کو ایسا لگتا ہوگا کہ مجھے ضروت نہیں پڑتی لیکن سپورٹ کی سب کو زرور پڑتی ہے۔‘‘ اس کے بعد سلمان نے اپنے ساتھیوںکیلئے اپنی مسلسل حمایت کو ظاہر کرتے ہوئے، آنے والی اور حالیہ ریلیز پر توجہ مرکوز کی۔ انہوں نے سنی دیول کی آنے والی بڑے پیمانے پر ایکشن فلم ’’جاٹ‘‘ کی بھی تعریف کی جو ۱۰؍ اپریل کو ریلیزہونے والی ہے۔

Sikandar is ruling the box office and our hearts! 👑😍 With a smashing collection of ₹141.15 crores (and counting!), we’re grateful for all your love and support.#Sikandar now screening at PVR INOX!
Book now: https://t.co/WyiWtS0CBM
.
.
.#SalmanKhan #RashmikaMandanna… pic.twitter.com/YkRAKDZbzS

— P V R C i n e m a s (@_PVRCinemas) April 2, 2025

دلچسپ بات یہ ہے کہ بالی ووڈ ستاروں میں صرف سنی دیول ہی تھے جنہوں نے سلمان کی فلم ’’سکندر‘‘ کی سوشل میڈیا پر کی تشہیر کی۔ دریں اثنا، عامر خان نے سلمان اور ہدایت کار اے آر مروگاداس کے ساتھ ایک پروموشنل ویڈیو میں حصہ لیا، لیکن انڈسٹری بھر میں فلم کے متعلق خاموشی چھائی رہی۔