شروری نے شاہ رخ خان سے اپنی پہلی ملاقات کے خوشگوار لمحے کو یاد کرتے ہوئے کہا کہ’’مجھے اب بھی یقین نہیں کہ شاہ رخ خان نے میری فلم ’’ویدا‘‘ دیکھی تھی اور میری اداکاری کی تعریف کی تھی۔‘‘ یاد رہے کہ شروری یش راج کی فلمز’’الفا‘‘ میں نظر آئیں گی جس میں عالیہ بھٹ بھی ہے۔

انہوں نے اس خاص لمحے کے بارے میں بتایا جب ان کی شاہ رخ خان سے ملاقات ہوئی تھی۔ شاہ رخ خان نے ویدا میں ان کی اداکاری کیلئے ان کی تعریف کی تھی۔ منجیا کی اداکارہ نے بتایا کہ ’’میں نے شاہ رخ خان کو ’’ہائی‘‘ کہا۔ انہوں نے مجھے دیکھا اور کہا ’’آپ نے ویدا فلم کی ہے، ہےنا؟ میں نے آپ کو فلم میں دیکھا ہے اور اچھی اداکاری کرتی ہیں۔‘‘

یہ بھی پڑھئے: باندرہ: دلیپ کمار کا بنگلہ لگژری اپارٹمنٹ میں تبدیل، ۵۰۰؍ کروڑ کا بزنس، احاطہ میں میوزیم بھی ہوگا

شروری کے مطابق شاہ رخ خان کی تعریف سے وہ حد درجہ خوش ہوئی تھیں۔ انہوں نے مزید کہا کہ ’’میں شاہ رخان کی بہت بڑی مداح ہوں۔ میں ان کی ۵۰؍ ویں سالگرہ کے موقع پر ان کے گھر کے باہر ہجوم کے ساتھ تھی۔ میں شاہ رخ خان کو پہلی مرتبہ دیکھا چاہتی تھی۔ شاہ رخ خان نے میری فلم دیکھی اور میری اداکاری کی تعریف کی، مجھے اب بھی یقین نہیں آرہا کہ یہ حقیقت ہے۔ یہ میرے لئے بہت خاص ہے۔‘‘

یہ بھی پڑھئے: سویڈن، یو این آر ڈبلیو اے کو فنڈ نہیں دے گا: وزیر امداد بنجامن دوسا

یاد رہے کہ شروری نے ۲۰۲۰ء میں کبیر خان کی وار ڈراما سیریز ’’دی فارگیٹن آرمی، آزادی کیلئے‘‘ سے اپنے کریئر کی شروعات کی تھی۔ انہیں فلم منجیا میں ان کی اداکاری کیلئے سراہا گیا تھا جس میں وہ ابھے ورما کے مدمقابل تھیں۔ شروری نے حال ہی میں جنید خان کی فلم ’’مہاراج‘‘ میں ان کے کردار ویراج کیلئے سراہا گیا تھا۔ فی الحال وہ اپنی اگلی فلم ’’الفا‘‘ کی شوٹنگ میں مصروف ہیں جس میں عالیہ بھٹ بھی اداکاری کریں گی۔