’’استری۲‘‘ کی کامیابی کے بعد رنبیر کپور کا ایک پرانا ویڈیو تیزی سے وائرل ہورہا ہے جس میں انہوں نے کہا ہے کہ ’’شردھا، کمرشیل باکس آفس کی سپر اسٹار ہیں۔‘‘ واضح رہے کہ یہ ویڈیو ’’تو جھوٹی میں مکار‘‘ فلم کی ایک پرومشنل تقریب کا ہے۔

شردھا کپور اور رنبیر کپور نے لو رنجن کی فلم ’’توجھوٹی میں مکّار‘‘ میں کام کیا تھا۔ رنبیر اور شردھا بچپن سے ایک دوسرے کے دوست ہیں۔ اس فلم کے پروموشن کے دوران رنبیر نے شردھا کے متعلق کہا تھا کہ وہ ایک ’’کمرشیل سپر اسٹار‘‘ ہیں۔ تاہم، ’’استری۲‘‘ کی زبردست کامیابی کے بعد سوشل میڈیا پر یہ ویڈیو تیزی سے وائرل ہورہا ہے۔

Ranbir kapoor said Shraddha is a Big BO commercial Superstar pic.twitter.com/M6A8U3d9z6

— Diksha Sharma (@DikshaS89544134) August 23, 2024

اس ویڈیو میں رنبیر کہہ رہے ہیں کہ ’’مَیں شردھا کو اس وقت سے جانتا ہوں جب وہ پیدا ہوئی تھیں، اور مَیں پیدا ہوا تھا۔ ہمارے والدین ایک دوسرے کے اچھے دوست تھے اور ہیں، اور ہم بھی ایک دوسرے کے اچھے دوست ہیں۔ شردھا کے ساتھ کام کرتے وقت میں نے محسوس کیا کہ ہم میں ایک جیسی تخلیقی توانائیاں ہیں۔ ہمارے پاس کام کے متعلق ایک ہی قسم کی آگ اور جذبہ ہے کہ ہم اپنا بہترین پرفارمنس دیں۔ شردھا کو انڈسٹری میں سب پسند کرتے ہیں۔ وہ اتنی بڑی پرفارمر ہیں کہ آپ کہہ سکتے ہیں ’’کمرشیل باکس آفس کی سپر اسٹار۔‘‘ مجھے امید ہے کہ ہم مستقبل میں حیرت انگیز کام کریں گے۔‘‘

یہ بھی پڑھئے: انٹرویو کے دوران عرفان خان کو یاد کرتے ہوئے منو رشی جذباتی ہوگئے

واضح رہے کہ شردھا کپور کی فلم ’’استری۲‘‘ اس وقت سنیما گھروں میں ہے اور باکس آفس پر دھوم مچارہی ہے۔ رنبیر کپور فی الحال نتیش تیواری کی ’’رامائن‘‘ کی شوٹنگ میں مصروف ہیں۔ فلم میں رنبیر، رام اور سائی پلاوی سیتا کا کردار ادا کریں گی۔