روہت شیٹی اور اجے دیوگن کی ’’سنگھم اگین‘‘ کا ٹریلر آج ریلیز ہوگیا ہے جس نے سوشل میڈیا پر دھوم مچادی ہے۔ یہ ہندوستانی سنیما کی تاریخ کا طویل ترین دورانیے والا ٹریلر ہے۔

آج روہت شیٹی کی فلم ’’سنگھم اگین‘‘ کا ٹریلر جاری ہوگیا جو درجنوں ستاروں اور ایکشن کے سبب سوشل میڈیا پر دھوم مچا رہا ہے۔ تاہم، اس ٹریلر کے دورانیے کے سب کی توجہ حاصل کرلی ہے۔ ’’سنگھم اگین‘‘ کے ٹریلر کا دورانیہ ۴؍ منٹ ۵۸؍ سیکنڈ ہے۔

یہ بھی پڑھئے: اداکارہ شکیلہ بے مثال حسن اور لاجواب ادائوں کی ملکہ تھیں

اس کے ساتھ ہی یہ ہندوستانی سنیما کا سب سے طویل ترین دورانیے والا ٹریلر بن گیا ہے۔ اس میں فلم کے تمام کرداروں کا تعارف کروایا گیا ہے اور سبھی کیلئے یکساں اسکرین ٹائم مختص کیا گیا ہے۔ ٹریلر میں دکھایا گیا ہے کہ اجے دیوگن (سنگھم) کی بیوی کرینہ کپور کو اغوا کرلیا گیا ہے جسے چھڑانے کیلئے وہ منصوبہ بنارہے ہیں۔ 

خیال رہے کہ ’’سنگھم اگین‘‘ کا ٹریلر ممبئی کے نیتا مکیش امبانی کلچرل سینٹر میں لانچ کیا گیا۔ تقریب میں روہت شیٹی، رنویر سنگھ، ارجن کپور، اور کرینہ کپور موجود تھے۔ فلم میں جیکی شراف، دیانند شیٹی، ٹائیگر شراف اور اکشے کمار بھی اہم کرداروں میں ہیں۔ یہ یکم نومبر کو سینما گھروں میں ریلیز ہوگی اورانیس بزمی کی ’’بھول بھلیاں ۳‘‘ سے ٹکرائے گی۔