حال ہی میں امیتابھ بچن نے پوسٹ کیا کہ چاہے وہ کچھ بھی کرلیں ان کے ایکس فالوورز کی تعداد ۴۹؍ ملین سے نہیں بڑھتی۔ اس کیلئے انہوں نے فالوورز سے حل طلب کیا۔

امیتابھ بچن کے حالیہ ایکس پوسٹ نے مداحوں میں جوش بھردیا اور انہوں نے اداکار کو فالوورز بڑھانے کی کئی تراکیب بتائیں۔ اپنے سوشل میڈیا پر سب سے زیادہ فعال اداکاروں میں سے ایک امیتابھ بچن نے اپنے ایکس پوسٹ پر انکشاف کیا کہ چاہے وہ کتنی ہی کوشش کریں، ان کے ایکس فالوورز کی تعداد ۴۹؍ ملین سے زیادہ نہیں ہوتی۔ انہوں نے فالوورز سے پچوھا کہ اس کا کوئی حال بتایئےکہ وہ ۵۰؍ ملین تک پہنچ جائیں۔ 

یہ بھی پڑھئے:شاہ رخ خان ۲۵؍ سال میں بالکل نہیں بدلے ہیں: راجیش کھٹر

T 5347 - बड़ी कोशिश कर रहे हैं, लेकिन ये 49M followers का नंबर बढ़ ही नहीं रहा है ।
कोई उपाय हो तो बताइए !!!

— Amitabh Bachchan (@SrBachchan) April 13, 2025

مداحوں نے انہیں منفرد اور انوکھے طریقے بتائے۔ امتیابھ بچن کے پوسٹ کے بعد سوشل میڈیا پر میمز کا سیلاب آگیا۔ صارفین نے انہیں جیا بچن کی غصے والی تصویر شیئر کرنے سے لے کر عجیب وغریب مشورے دیئے۔ ایک صارف نے لکھا کہ ’’ہندوستان میں صحت، تعلیم، اور صفائی ستھرائی کی حالت کے بارے میں کچھ ایماندارانہ پوسٹ کرنے پر آپ کو دو گنا زیادہ فالوورز ملیں گے۔ اسے آزمائیں۔‘‘ ایک اور نے لکھا کہ ’’جیا جی کے ساتھ تصویر شیئر کیجئے۔‘‘ کچھ لوگوں نے مذاقاً کہا کہ ’’ریکھا کے ساتھ ایک سیلفی پوسٹ کردیجئے، مسئلہ حل ہوجائے گا۔‘‘  امیتابھ بچن نے ان مشوروں کا جواب نہیں دیا لیکن اتنا واضح ہے کہ وہ لوگوں کو تفریح فراہم کرنے کا موقع ضرور دیتے ہیں۔خیال رہے کہ امیتابھ بچن ’’کون بنے گا کروڑ پتی‘‘ کے ۱۷؍ ویں سیزن کے ساتھ واپس آرہے ہیں۔