’’اسکوئیڈ گیم‘‘کا سیزن ۳؍، جون ۲۰۲۵ء کو نیٹ فلکس پر ریلیز کیا جائے گا۔ یہ اسکوئیڈ گیم کا حتمی سیزن ہوگا۔

نیٹ فلکس نے اعلان کیا ہے کہ ’’اسکوئیڈ گیم‘‘کا سیزن ۳؍ ۲۷؍ جون ۲۰۲۵ء کو ریلیز کیا جائے گا۔ یاد رہے کہ یہ ’’اسکوئیڈ گیم‘‘سیریز کا حتمی سیزن ہوگا۔ نیٹ فلکس نے فرسٹ لک ٹیزر کے ساتھ یہ اعلان کیا ہے جس سے اندازہ لگایا جاسکتا ہے کہ جنوبی کوریا کی تھریلر سیریز کا نتیجہ کیا ہوگا۔ اسکوئیڈ گیم کے فلمساز ہوانگ ڈونگ ہیوک نے ہی سیرن ۳؍کی ہدایتکاری کے فرائض انجام دیئے ہیں جبکہ وہ کم جی یون کے ساتھ سیزن ۳؍کےایگزیکٹیو پروڈیوسر بھی ہیں۔ 

یہ بھی پڑھئے: وکرانت ماسی ’’ڈان ۳‘‘ میں ویلن کے کردار میں نظر آئیں گے؟

یاد رہے کہ اسکوئیڈ گیم کا سیزن ۲؍ ،۲۶؍ دسمبر ۲۰۲۴؍ کوریلیز کیا گیا تھا جس میں ۷؍ ایپی سوڈ تھے۔ دسمبر میں نیٹ فلکس کے سیزن ۲؍ نے ۱۷۳؍ملین ویوز حاصل کئے تھے اور نیٹ فلکس پر سب سے زیادہ دیکھی جانےو الی غیر انگریزی سیریز بن گئی تھی۔ اسکوئیڈ گیم نے سیزن ون سے ہی لیگسی قائم کی تھی اور نیٹ فلکس کی تاریخ میں سب سےزیادہ دیکھی جانے والی سیریز ہونے کا اعزاز بھی قائم کیا تھا۔سیزن ون کیلئے ’’اسکوئیڈ گیم‘‘ نے ایمی ایوارڈ کی ۱۷؍ نامزدگیاں حاصل کی تھیں۔ لی جنگ جائے نے ڈرامے کے بہترین اداکار کا اعزاز حاصل کر کے تاریخ رقم کی تھی جبکہ لی می نے ڈرامے کی بہترین اداکارہ کا اعزاز بھی حاصل کیا تھا۔