سنی دیول کی کئی فلمیں کامیاب رہی ہیں ان میں سے زیادہ تر ایکشن فلمیں جن میں وہ نہایت ہی غصہ میں نظر آتے ہیں زیادہ پسند کی جاتی ہیں۔ یہی وجہ ہے کہ انہیں ایسے ہی کردار دیئے جاتے ہیں۔

سنی دیول کی کئی فلمیں کامیاب رہی ہیں ان میں سے زیادہ تر ایکشن فلمیں جن میں وہ نہایت ہی غصہ میں نظر آتے ہیں زیادہ پسند کی جاتی ہیں۔ یہی وجہ ہے کہ انہیں ایسے ہی کردار دیئے جاتے ہیں۔اس کی مثال ان کی پچھلی فلم’غدر۲‘ بھی تھی جس میں وہ ایکشن میں نظر آئے تھے، یہی وجہ ہے کہ اسے کافی پسند کیا گیا تھا۔ اسی سے متاثر ہوکر اب ان کی ایسی ہی ایک اور فلم ریلیزہونے والی ہے،اس فلم کا نام ’جاٹ‘ ہے۔فلم’جاٹ‘ کا ایک ڈائیلاگ’ سوری بول‘ کافی ہٹ ہو رہا ہے۔ اس فلم کے تعلق سے انہوں نے مشہور فلم نقادکومل نہاٹا سے بات چیت کی۔

یہ بھی پڑھئے: ’’کیسری ۲‘‘ ٹریلر ریلیز، اکشے کمار نے ’’کیسری ۳‘‘ کی بھی تصدیق کی

اس انٹرویو میں انہوں نے اس مکالمے پر بھی بات کی۔ سنی دیول سے پوچھا گیا کہ ان کی زندگی میں معافی کا کیا مطلب ہے؟ اس کے جواب میں انہوں نے کہا کہ معافی مانگنا ایک شخص کے لیے احساس کا درجہ رکھتا ہے، اس سے اسے احساس ہوتا ہےکہ اس سےغلطی ہوئی ہے۔انسان کو اس بات کو تسلیم کرنا چاہئے کہ اس سے غلطی ہوئی ہے اور اکثر جب میں غلطی کرتا ہوں تو مجھے بھی اس کا احساس ہوتاہے اور میں معافی مانگ لیتا ہوں۔کومل نہاٹانےچٹکی لیتے ہوئےپوچھا کہ آپ غلطیاں کرتے ہیں۔ تو انہوں نےجواب دیا، غلطیاں کوئی کرتا نہیں لیکن ہو جاتی ہیں۔ انسان غلطیوں سے ہی سیکھتا ہے لیکن اس کا ادراک ضروری ہے۔ انہوں نے کہا کہ میں جو ہوں وہ ہوں لیکن میں بالکل ویسا نہیں ہوں جو فلموں میں دکھایا جاتا ہے۔یعنی میں حقیقی زندگی میں نرم دل ہوں غلطی پر معافی مانگ لیتا ہوں میں ویسا نہیں ہو جیسا کہ فلموں میں دکھایا جاتا ہے۔