`’’سوریہ۴۵‘‘ ایکشن ایڈوانچر فلم ہوگی جس کی شوٹنگ نومبر ۲۰۲۴ءمیں شروع ہوگی اور اسے ۲۰۲۵ءکے نصف میں ریلیز کردیا جائے گا۔

ایس آر پربھو اپنے بینر ڈریم واریر پکچرز کے تحت سوریہ کے اگلے پروجیکٹ کی حمایت کریں گے، اس پروڈکشن ہاؤس نے کئی کامیاب فلمیں بنائی ہیں جن ’’جوکر‘‘، ’’ ارووی‘‘، ’’ تھیرن ادھیگارم اوندرو‘‘، ’’ کیتھی‘‘، ’’سلطان‘‘، ’’اوکے اوکا جیوتھم‘‘ اور ’’فرحانہ ‘‘ قابل ذکر ہے۔ پروڈکشن ہاؤس نے باضابطہ طور پر اپنے سب سے زیادہ پرجوش پروجیکٹ ’’سوریہ۴۵‘‘کا آغاز روایتی پوجا کی تقریب کے ساتھ کیا۔ یہ بغیر ٹائٹل والی فلم اسٹوڈیو کے شاندار کیٹلاگ میں سب سے مہنگی فلم ہوگی۔ آر جے بالاجی، جو مزاحیہ لیکن سماجی طور پر باشعور فلموں کی ہدایت کاری کیلئے مشہور ہیں، اس بڑے بجٹ کی ایکشن فلم کی ہدایت کاری کریں گے۔ فی الحال، آر جے بالاجی’’سوریہ۴۵‘‘کے پری پروڈکشن کے کام پر توجہ مرکوز کر رہے ہیں۔ 

یہ بھی پڑھئے: دپیکا پڈوکون اپنے ساتھی اداکاروں سے جلد تیار ہوتی ہے ان کے ساتھ کام کرنا آسان ہے : امتیاز علی

باصلاحیت فلمساز نے اس پراثر اسکرپٹ کو تیار کرنے میں ایک سال سے زیادہ کا وقت گزارا ہے اور اس دلچسپ تفریح کیلئے مقامات کی شناخت کیلئے مختلف جگہوں کا سفر کیا ہے۔ اکیڈمی ایوارڈ یافتہ موسیقار اے آر رحمان اس پروجیکٹ کیلئے میوزک دیں گے۔ رحمان اور سوریہ اس سے قبل کلاسک فلموں جیسے’’سلونو اورو کادھل‘‘، ’’آیودھا ایزھوتھو‘‘ اور’’۲۴‘‘میں کام کر چکے ہیں۔ نیشنل ایوارڈ یافتہ اداکار اور موسیقار جوڑی کا خیال ہے کہ یہ نئی فلم موسیقی کے شائقین کو پسند آئے گی۔ بتا دیں  کہ ’’سوریہ۴۵‘‘کی شوٹنگ نومبر ۲۰۲۴ءمیں شروع ہو گی اور اسے ۲۰۲۵ءکے دوسرے نصف میں ریلیز ہونا ہے۔