ورون دھون کی ’’بے بی جان‘‘ کا دوسرا ٹیزر جاری کیا گیا ہے جس میں جیکی شراف ویلن کے کردار میں نظر آرہے ہیں۔

’’جوان‘‘ کے ڈائریکٹر ایٹلی کے زیرسرپرست اور ان کے اسسٹنٹ کیلیس کی ہدایتکاری میں بننے والی ورون دھون کی فلم ’’بے بی جان‘‘ ہندوستان بھر میں دھوم مچانے کیلئے تیار ہے۔ یہ تمل فلم ’’تھیری‘‘ (۲۰۱۶ء) کا ریمیک ہے جس میں تھلاپتی وجے ڈبل رول میں تھے۔ ’’بے بی جان‘‘ کا ٹیزر مہینوں پہلے ریلیز ہوا تھا جسے زبردست ردعمل ملا تھا۔

یہ بھی پڑھئے: دیویا کھوسلا کمار نے ’جعلی‘، ’’جگرا‘‘ باکس آفس کلیکشن پرعالیہ بھٹ کو تنقید کا نشانہ بنایا

حال ہی میں بگ سنے ایکسپو ۲۰۲۴ء میں اس کی ساڑھے پانچ منٹ کی فوٹیج ڈسٹری بیوٹرز کو دکھائی گئی تھی جس پر زبردست تالیاں بجائی گئی تھیں۔ اس درمیان اب فلمسازوں نے ’’بے بی جان‘‘ کا دوسرا ٹیزر جاری کیا ہے جس میں فلم کے مرکزی ویلن جیکی شراف ہیں۔

#babyjohn- a evil you didn’t see coming 25 th December in theatres pic.twitter.com/zilHmnuo1U

— VarunDhawan (@Varun_dvn) October 12, 2024

’’بے بی جان سے ببر شیر کی جھلک‘‘ کے عنوان سے ایک منٹ ۱۰؍ سیکنڈ کے ٹیزر میں ناقابل شناخت جیکی شراف کو دکھایا گیا ہے جو ورون دھون کے مدمقابل ہیں اور انتہائی خونخوار نظر آرہے ہیں۔ ٹیزر شیئر کرتے ہوئے ورون دھون نے لکھا کہ ’’اس اندھیرے کا سامنا کرنے کیلئے تیار ہو جائیں جو آپ نے کبھی آتے نہیں دیکھا۔ ببر شیر آپ کیلئے آرہا ہے!‘‘ ورون دھون اور جیکی شراف کے علاوہ ’’بے بی جان میں‘‘ کیرتھی سریش، وامیکا گبی اور راجپال یادو بھی ہیں۔ اس فلم میں سلمان خان کا بھی کیمیو ہے۔ ’’بے بی جان‘‘ کرسمس ۲۰۲۴ء پر ریلیز ہوگی۔