آئی ایم ڈی بی ۲۰۲۴ء کی فہرست کے مطابق ہندوستان کی سب سے مشہور فلم اسٹار ترپتی ڈمری ہیں۔ ان کے بعد دپیکا پڈوکون، ایشان کھٹر اور شاہ رخ خان ہیں۔

بالی ووڈ میں ترپتی ڈمری کی شہرت میں تیزی سے اضافہ ہورہا ہے۔ انہوں نے حال ہی میں ایک نیا سنگ میل عبور کیا ہے۔ آئی ایم ڈی بی کی جانب سے جاری کردہ فہرست میں اداکارہ ۲۰۲۴ء کی مقبول ترین ہندوستانی اسٹار کے طور پر ابھری ہیں۔ وہ شاہ رخ خان، دپیکا پڈوکون اور عالیہ بھٹ سمیت تفریحی دنیا کی معروف شخصیات کو پیچھے چھوڑ کر سرفہرست مقام حاصل کر چکی ہیں۔ جمعرات کو، آئی ایم ڈی بی نے اُن فلمی شخصیات کی فہرست جاری کی جنہوں نے ٹاپ ۱۰؍ میں جگہ بنائی۔ ترپتی کے بعد، دوسرے نمبر پر دپیکا پڈوکون، اس کے بعد ایشان کھٹر، شاہ رخ خان اور شوبھیتا دھولیپالا ہیں۔ شروری واگھ چھٹے نمبر پر، ایشوریہ رائے ساتویں اور سمانتھا روتھ پربھو آٹھویں نمبر پر ہیں۔ عالیہ بھٹ اور پربھاس نے بالترتیب ۹؍ ویں اور ۱۰؍ ویں مقام پر قبضہ کیا ہے۔ 

The wait is over! 📣🎉

Presenting the Most Popular Indian Stars of 2024 who lit up our screens and your IMDb searches! 💛

Did your favorite make it to the list? 🌟⁰⁰📍The IMDb Top 10 Most Popular Indian Stars of 2024 list is comprised of stars who consistently ranked the… pic.twitter.com/KQGbPtZMG1

— IMDb India (@IMDb_in) December 5, 2024

ناموں کا اعلان کرتے ہوئے آئی ایم ڈی بی نے انسٹاگرام پر لکھا کہ ’’انتظار ختم! ۲۰۲۴ء کے سب سے مشہور ہندوستانی ستارے پیش ہیں جنہوں نے ہماری اسکرینوں اور آپ کی آئی ایم ڈی بی کے سرچ پر سب سے زیادہ جگہ حاصل کی۔ کیا آپ کے پسندیدہ اداکار اس فہرست میں ہیں؟‘‘ واضح رہے کہ یہ فہرست اُن ستاروں پر مشتمل ہے جو ۲۰۲۴ء کے دوران آئی ایم ڈی بی کی ہفتہ وار درجہ بندی میں مسلسل ٹاپ ۱۰؍ میں رہے ہیں۔ اسے آئی ایم ڈی بی کے ماہانہ ۲۵۰؍ ملین سے زیادہ صارفین کی سرچ کی بنیاد پر تیار کیا گیا ہے۔ 

یہ بھی پڑھئے: ’’پشپا ۳‘‘ ۶؍ سال بعد ریلیز ہوگی، فلم کا پروڈکشن ۲۰۲۸ء میں شروع ہوگا

ترپتی ڈمری نے آئی ایم ڈی بی کی فہرست میں شامل ہونے پر اظہار تشکر کیا۔ ایک بیان میں اداکارہ نے کامیابی کا سہرا اپنے مداحوں کو دیا۔ انہوں نے کہا کہ ’’اس فہرست میں اول نمبر پر آنا، ایک اعزاز ہے۔ یہ پہچان میرے مداحوں کی ناقابل یقین حمایت اور ہر اس شخص کی محنت کا ثبوت ہے جس کے ساتھ مجھے تعاون کرنے کا اعزاز حاصل ہوا ہے۔ دلچسپ پروجیکٹس پر کام کرنے سے لے کر بھول بھلیاں ۳؍ کے ساتھ ۲۰۲۴ء کو سمیٹنے تک، یہ میرے لیے ایک یادگار سال رہا ہے۔‘‘