ایمی یافتہ سیریز ’’وینز ڈے‘‘ کے فلم سازوں نے سیزن ۲؍ کے آنے سے قبل نیٹ فلکس پر ایک ویڈیو جاری کیا ہے جس میں ٹائپ رائٹر کی مدد سے تھنگ کو وینز ڈے کا پورٹریٹ بناتے ہوئے دیکھا جاسکتا ہے۔

ایمی یافتہ ویب سیریز ’’وینزڈ ے‘‘ کے فلم سازوں نے ویب سیریز کا ایک ویڈیو جاری کیا ہے جس میں ’’تھنگ‘‘کو ٹائپ رائٹر پر وینز ڈے ایڈمز (جین اورٹیگا) کاپورٹریٹ بناتے ہوئے دیکھا جاسکتا ہے۔ یاد رہے کہ فلم سازوں نے یہ ویڈیو اس وقت جاری کیا ہے جب وینس ڈے کا سیزن ۲؍نیٹ فلکس پر آںے والا ہے۔ ایکس پر جاری کئے گئے ویڈیو کے کیپشن میں لکھا ہے کہ ’’وینز ڈے ایڈمز کا پورٹریٹ، تھنگ کے ذریعے۔‘‘وینز ڈے کے سیزن ۲؍ میں بھی جین اورٹیگا وینز ڈے کے کردار میں نظر آئیں گی۔

A portrait of Wednesday Addams. By Thing. pic.twitter.com/L6bZKGW3hM

— Netflix (@netflix) November 27, 2024

یہ بھی پڑھئے: نئی نسل کے اداکار غیر محفوظ ہیں، سوشل میڈیا کے پیچھے بھاگ رہے ہیں: روہت شیٹی

اس سیزن میں بھی پہلے سیزن کی کاسٹ جوئے سنڈے (بیانکا)، کیتھرین زیٹا جونس (مورٹیکا)، ایما مائرس(اینڈ)، ہنٹر دودھان (ٹائیلر)، موسیٰ مصطفیٰ (یوگین ) لوئس گزمین (گومیز)، جارجی فارمر (اے جیکس)اور آئزک اورڈونیز (پگز لی)کے کردار میں نظر آئیں گے۔ وینز ڈے کے سیزن ۲؍ کی ہدایتکاری کے فرائض بھی ٹیم برٹن نے انجام دیئے ہیں۔

وینز ڈے کا سیزن ون ۲۳؍نومبر ۲۰۲۲ء کو نیٹ فلکس پر جاری کیا گیا تھا۔دی اکنامک ٹائمز کے مطابق اس سیریز کا سیزن ۲؍ ستمبر ۲۰۲۵ء میں ریلیز کیا جائے گا۔