این ٹی آر ضلع میں سب سے زیادہ ۳۶؍ اموات، فصلیں تباہ، ۲؍ لاکھ ۴۰؍ ہزار ۲۷۲؍ کسان متاثر، سڑکوں کو نقصان، ۳۳۹؍ ٹرینیں منسوخ۔

آندھرا پردیش میں مسلسل بارش اور سیلاب کی وجہ سے اب تک ۴۶؍ افراد کی موت ہو چکی ہے اور ایک لاکھ ۹۶؍ ہزار سو ہیکٹر زمین کی فصلیں تباہ ہو گئی ہیں۔ باغ بھی متاثر ہوئےہیں ۔ 
 منگل کو سرکار کی طرف سے جاری کردہ بیان میں  بتایا گیا کہ آندھرا پردیش میں موسلادھار بارش اور سیلاب کی وجہ سے اب تک۴۶؍ افراد ہلاک ہو چکے ہیں۔ این ٹی آر ضلع میں ۳۶، گنٹور ضلع میں ۷، ایلورو ضلع میں ۲؍ اور پالاناڈو ضلع میں ایک شخص کی موت ہوئی ہے۔ 

یہ بھی پڑھئے:ہریانہ کانگر یس میں کسی بھی قسم کی گروپ بندی کی تردید

دریں اثناء ایک لاکھ۹۶؍ ہزار سو ہیکٹر میں فصلوں کو نقصان پہنچا ہے جس سے۲؍ لاکھ ۴۰؍  ہزا ر ۲۷۲؍ کسان متاثر ہوئے ہیں۔ اس کے علاوہ ۱۹؍ ہزار ۶۸۶؍ ہیکٹر پر مشتمل باغات کو بھی نقصان پہنچا ہے جس سے۳۰؍ ہزار ۸۷۷؍ باغبان متاثر ہوئے ہیں۔ 
  اسی دوران بارش اور سیلاب کے سبب ۴۲۰۲ء۶۸؍کلومیٹر طویل سڑکوں کو نقصان پہنچا جبکہ۷۰؍ سڑکوں میں دراڑیں پڑ گئیں۔ اسی دوران وجے واڑہ میں مسلسل بارش کی وجہ سے ۳۳۹؍ ٹرینیں منسوخ کردی گئیں، ۱۸۱؍ کا رخ موڑ دیا گیا اور ۱۲؍ کو جزوی طور پر منسوخ کر دیا گیا۔ خراب موسم کی وجہ سے ریاست میں ۶؍ لاکھ ۴۴؍ ہزار ۱۳۳؍افراد متاثر ہوئے ہیں۔ ان کیلئے ۲۴۶؍ ریلیف کیمپ بنائے گئے ہیں۔ یاد رہےکہ آندھرا پردیش میں  گزشتہ۱۰؍ دن سے موسلادھار بارش ہورہی ہے ۔