مشرقی دہلی لوک سبھا سیٹ سے انڈیا اتحاد کے امیدوار کلدیپ کمار نے کہا کہ دہلی کے عوام اروند کیجریوال کے ساتھ ہیں۔

عام آدمی  پارٹی (آپ ) نے جمعرات کو وزیر اعلیٰ اروند کیجریوال کی گرفتاری کے خلاف `’جیل کا جواب ووٹ سے‘ دستخطی مہم شروع کی ہے۔مشرقی دہلی لوک سبھا سیٹ سے انڈیا  اتحاد  کے امیدوار کلدیپ کمار اور جنگ پورہ سے آپ کے ممبر اسمبلی  پر وین کمار نے یہاں لاجپت نگر سینٹرل مارکیٹ سے  اس مہم کا آغاز کیا۔ اس دوران کلدیپ کمار نے کہا کہ اروند کیجریوال نے دہلی کے لوگوں کیلئے کئی کام  کئے ہیں جن میں مفت  پانی،۲۴؍ گھنٹے بجلی،   اچھے اسکول اور اسپتال شامل ہیں۔بی جے پی کے ہاتھوں ایسے وزیر اعلیٰ کو جیل میں ڈالنے سے دہلی کے لوگوں میں شدید غصہ ہے۔ دہلی کے عوام اروند کیجریوال کے ساتھ کھڑے ہیں اور اس بار وہ اپنے ووٹوں سے جیل کا جواب دیں گے۔

یہ بھی پڑھئے: مالیگائوں ومضافات میں نیٹ کے ۵؍ ایگزام سینٹرس قائم، ایڈمٹ کارڈ جاری

کلدیپ کمار نے کہا کہ دہلی کے عوام  ۲۵؍ مئی کو دہلی سے بی جے پی کو جڑ سے اکھاڑ پھینکنے کا کام کریں گے۔ دہلی کے رائے دہندگان اروند کیجریوال کی گرفتاری کے خلاف مختلف طریقوں  سے مہم چلا رہے ہیں ۔جب عوام اروند کیجریوال کی حمایت میں سڑکوں پر نکلتے ہیں تو انہیںگرفتار کرکے ان کے  ایف آئی آر درج  کی جاتی ہے، اسلئے عوام کو۲۵؍مئی کا بے صبری سے انتظار ہے۔
 ایم ایل اے پروین کمار نے کہا کہ اروند کیجریوال کو جیل میں ڈال کر بی جے پی نے  بہت غلط کیا ہے۔دہلی  کے عوام میں بی جےپی مخالف  لہر ہے۔ دستخطی مہم کے ذریعے لوگوں کی طرف سےپیغامات لکھے جا رہے ہیں ۔ لوگ اپنے جذبات کا اظہار کر رہے ہیں کہ وہ اروندکیجریوال سے کتنا پیار کرتے ہیں۔ لوگ اروندکیجریوال کے کاموں کی تعریف کر رہے ہیں۔ بی جے پی  کیجریوال کو جیل میں رکھنا چاہتی ہے، لیکن دہلی کے لوگ انہیں باہر نکالنا چاہتے ہیں۔