اترپردیش کے علی گڑھ میں ایک سڑک پر اسرائیلی پرچم کی پینٹنگ کے سبب کشیدگی پیدا ہو گئی، جبکہ پولیس ملزمان کی تلاش میں۔

بدھ کو علی گڑھ میں سول لائنز کے علاقے میں ایک سڑک پر اسرائیلی پرچم بنائے جانے کے بعد تناؤ پیدا ہو گیا۔ یہ پرچم کلا پل کے قریب، علی گڑھ مسلم یونیورسٹی سے محض۵۰۰؍ میٹر کے فاصلے پر بنایا گیا تھا، جس نے مقامی لوگوں کی توجہ فوری طور پر اپنی طرف مبذول کر لی اور علاقے میں بے چینی پھیل گئی۔ حکام کو فوری طور پر اطلاع دی گئی، اور پولیس نے پرچم کو ہٹانے کیلئے فوری کارروائی کی۔ اس واقعے کے بارے میں بات کرتے ہوئے، ایس پی سٹی مریگانگ شکھر پاٹھک نے تصدیق کی کہ پرچم کی اطلاع ملنے کے بعد پولیس نے فوری ردعمل ظاہر کیا۔ انہوں نے کہا، ’’ہم نے پرچم کو ہٹانے اور کسی بھی صورتحال کو بڑھنے سے روکنے کیلئے فوری اقدامات کیے۔ ابھی تک کوئی شکایت درج نہیں ہوئی ہے، لیکن تحقیقات جاری ہیں۔ ہم قریب کے رہائشیوں سے پوچھ تاچھکر رہے ہیں تاکہ اس عمل کے ذمہ دار افراد کی شناخت کی جا سکے، اور ان کے خلاف سخت کارروائی کی جائے گی۔‘‘

یہ بھی پڑھئے: اگر مسلمان ہولی کے رنگ سے بچنا چاہتے ہیں تو گھروں میں رہیں: سنبھل پولیس اہلکار کے بیان کے بعد ہنگامہ

پرچم کے پینٹنگ کرنے کا وقت مزید تشویش کا باعث بنا ہے، کیونکہ اسرائیل اور حماس کے درمیان جاری تنازعہ اور فلسطینیوں کی بڑی تعداد میں ہلاکتوں کے پیش نظر یہ واقعہ تناؤ کو بڑھا سکتا ہے۔ ہندوستان میں مقامی تنظیموںبشمول مسلم کمیونٹی کے ارکان، نے فلسطین میں ہونے والی تشدد کی سخت مخالفت کی ہے، اور ایسے واقعات کو اشتعال انگیز عمل کے طور پر دیکھا جا رہا ہے۔ پرچم علی گڑھ سے کچھ ہی دوری پر بنایا گیا تھا، جس نے صورتحال کی سنگینی کو مزید بڑھا دیا۔ پولیس ملزمان کو ڈھونڈنے اور ان کے خلاف کارروائی کرنے کیلئے پرعزم ہے۔ ایس پی پاٹھک نے مزید کہا، کہ ’’ہم اس بات کو یقینی بنانے کیلئے تمام ضروری اقدامات کر رہے ہیں کہ علاقے میں امن و امان برقرار رہے۔‘‘