قزاخستان کے شہر اقتاؤ میں آذربائیجان کے دارالحکومت باکو سے گروزنی جانے والاطیارہ کریش ہوگیا ہے۔ طیارے میں ۶۷؍ مسافر اور ۵؍ جہاز کا عملہ سوار تھے۔ اطلاعات کے مطابق ۳۲؍ افراد کوبچایا گیا ہے جبکہ مہلوکین اور زخمی افراد کی تعداد کا درست علم نہیں۔

قزاخستان کی وزارت ایمرجنسی نے کہاکہ ’’قزاخستان کے شہر اقتاؤمیں ایک مسافر بردارجہاز کے کریش ہونے کے نتیجے میں ۳۲؍ افراد ملے ہیں جبکہ دیگر گمشدہ ہیں۔ متعدد رپورٹس کے مطابق ۴۲؍ افراد کے مرنے کا خطرہ ہے۔‘‘ وزارت نے اپنے بیان میں کہا ہے کہ ’’ایمرجنسی خدمات جہا ز کے کریش ہونے کے بعد لگنےوالی آگ کو بجھانے کی کوشش کر رہی ہے اورابتدائی رپورٹس کے مطابق ۲۵؍ افراد بچے ہیں۔ مقامی میڈیا کے آؤٹ لیٹس کے مطابق جہاز میں ۶۷؍ مسافر اور جہاز کے عملے کے ۵؍ افراد سوار تھے۔‘‘

An #Azerbaijan Airlines (AZAL) plane flying from #Baku to #Grozny crashed in #Aktau. Firefighters are working at the site of the plane crash in Aktau. According to preliminary data, about 70 people were on board, 60+ killed. pic.twitter.com/KXw3hD7abR

— Smriti Sharma (@SmritiSharma_) December 25, 2024

🚨🇰🇿🚨 BREAKING: Kazakhstan plane crash update! 🛩️✈️
22 people hospitalized after Azerbaijan Airlines crash 🏥
Bird strike forced emergency landing attempt 🐦
Rescue teams on-site, investigation ongoing 🚨

Source: Kazakhstan`s Ministry of Emergency Situations 📰 pic.twitter.com/wQ7TF5w6RK

— The Viral Videos (@The_viralvideo_) December 25, 2024

قزاخستان کی وزارت برائے نقل و حمل نے ٹیلی گرام پر اپنے بیان میں یہ کہا ہے کہ ’’یہ جہاز باکو سے گروزنی کے درمیان چلتا تھا۔ یہ آذربائیجان کی ایئرلائنس کا طیارہ ہے۔‘‘قزاخستان کی وزارت برائے نقل و حمل نے مزید کہا کہ ’’جہاز میں ۶۲؍ افراد سوار تھے جن میں سے ۶؍ جہاز کا عملہ بھی شامل ہے۔‘‘روس کی ایجنسی نے کہا ہے کہ ’’یہ جہاز باکو، قزاخستان سے روس کے جمہوریہ چیچنیا کے شہر گروزنی جارہا تھا لیکن دھند کی وجہ سے اس کا رخ تبدیل کیا گیا تھا۔‘‘

یہ بھی پڑھئے: کانگریس کا بیلگاوی میٹنگ میں گاندھی جی کے ستیہ گرہ کو’نئے ستیہ گرہ‘ میں تبدیل کرنے کااعلان

آذربائیجان کی ایئرلائنس، جہاں کا یہ جہاز ہے، نے مطلع کیا کہ ’’ایمبریر ۱۹۰؍ نے اقتاؤ سے تین کلومیٹر پہلے ایمرجنسی لینڈنگ کی تھی۔‘‘ابتدائی رپورٹس کے مطابق ’’مہلوکین کی تعداد کا درست علم نہیں ہوسکاہے لیکن متعدد افراد کو بچایا گیا ہے۔‘‘حادثہ ہونے کے بعد ایمرجنسی ٹیم جائے وقوع پرپہنچ گئی تھی ۔اطلاعات کے مطابق ’’زخمی افراد کی تعدادکا پتہ نہیں لگایا جاسکا ہے۔‘‘آذربائیجان ایئرلائنس نے حادثے کے بعد کوئی بھی سرکاری بیان جاری نہیں کیا ہے۔حادثے کی وجہ معلوم کرنے کیلئے تفتیش جاری ہے۔