بنگلہ دیش میں جاری تشدد کے پیش نظر ہندوستانی ریلوے نے بنگلہ دیش جانے والی تمام ٹرینیں غیر معینہ مدت کیلئے ملتوی کر دی ہیں، جبکہ بنگلہ دیش کی وزیر اعظم شیخ حسینہ استعفیٰ دے کر ملک سے فرار ہو گئیں، آرمی چیف نے عبوری حکومت تشکیل دینے کا اعلان کیا۔

ہندوستان نےاپنے پڑوسی بنگلہ دیش میں جاری تصادم کے مد نظر ہندوستان اور بنگلہ دیش کے درمیان چلنے والی تمام ٹرین کی خدمات معطل کیں۔ وزیر ریلوے کے مطابق میتری ایکسپریس، بندھن ایکسپریس، اور متالی ایکسپریس نے اپنا آخری سفر جولائی کے درمیان میں کیا تھا تب سےپر تشدد مظاہروں کے پیش نظر ان کا دورہ منسوخ کیا گیا ہے۔

یہ بھی پڑھئے: حزب اللہ نے شمالی اسرائیل پر۵۰؍میزائل داغے

انہوں نےکہا کہ’’ میتری ایکسپریس اور بندھن ایکسپریس ابتدائی طور پر ۱۹؍ جولائی ۲۰۲۴ء سے ۶؍ اگست ۲۹۲۴ء تک منسوخ کی گئی تھی ۔جبکہ موجودہ حالات کی سنگینی کو دیکھتے ہوئے یہ منسوخی غیر معینہ مدت تک کیلئے بڑھادی گئی ہے۔ اس کے علاوہ متالی ایکسپریس کی خدمات بھی غیر معینہ مدت کیلئے منسوخ کر دی گئی ہے۔بنگلہ دیش کی وزیر اعظم شیخ حسینہ اپنے عہدے سے استعفیٰ دے کر ملک سے فرار ہو چکی ہیں،جبکہ آرمی چیف جنرل وقارالزماں نے بڑے پیمانے پر تشدد کے بیچ اس ڈرامائی تبدیلی کے بعد ایک عبوری حکومت تشکیل دینے کا اعلان کیا ہے۔  

Congratulations Bangladesh.

Sheikh Hasina had fled. pic.twitter.com/W0C46CAid7

— W.A. Mubariz - وکیل احمد مبارز (@WakeelMubariz) August 5, 2024

 کٹیہارریلوے کے ڈیوژنل منیجرنے بتایا کہ’’ متالی ایکسپریس جو جلپائے گڑی سے ڈھاکہ کے درمیان چلتی ہے،۱۷؍ جولائی ۲۰۲۴ء کو ڈھاکہ گئی تھی، لیکن اس کے بعد ڈھاکہ سے لوٹ کر نہیں آئی۔‘‘انہوں نے مزید بتایا کہ اس ٹرین میں انڈین ریلوے کے ۱۰؍ کوچ تھے، چونکہ یہ کوچ اسی ٹرین کیلئے مخصوص تھے، لہٰذا ہمیں کسی طرح کی دقت نہیں ہے۔ٹرین کے ڈرائیورکو سرحد پر تبدیل کر دیا جاتا ہے۔اسلئے جب ٹرین بنگلہ دیش میں داخل ہوتی ہے تو وہ اس میں ہمارا انجن تبدیل کرکے اپنا انجن لگا دیتے ہیں۔‘‘ واضح رہے کہ میتری ڈھاکہ اور کولکاتا کے درمیان چلتی ہے، جبکہ بندھن ایکسپریس ہر دوہفتوں میں ایک بار کولکاتا سے کھلنا کے درمیان چلتی ہے۔