پرکاش نامی شخص نے رسل وائپر نامی سانپ کے منہ کو دبوچا اور اسے گلے میں ڈال کر اسپتال پہنچ گیا۔

بہار کے بھاگلپورضلع سے ایک عجیب وغریب معاملہ سامنے آیا ہے۔ یہاں کے مِراچک گاؤں میں ایک شخص کو سانپ نے ڈس لیا۔ یہ شخص اس سانپ کو پکڑرہا تھا، اسی دوران سانپ نے اس کے انگوٹھے پر اپنے دانت گاڑے۔اس خطرناک صورتحال کے باوجود وہ شخص گھبرایا نہیں۔ اس نے فوراً اپنے دائیں بازو پر اوپر ی جانب کس کر ڈوری باندھی تاکہ بازو میں خون کا دوران رک جائے۔ اور اس کے بعد اس نے سانپ کو کسی طرح دبوچ ہی لیا۔ بعد ازیں سانپ کو منہ سے پکڑکر اس نے گلے میں لپیٹا۔

یہ بھی پڑھئے: ٹروڈو نے نئی دہلی پرسفارتکاروں کے ذریعہ کنیڈیائی شہریوں کو نشانہ بنانےکا سنگین الزام لگایا

گھر والے اور پڑوسی اسے فوراً لے کر مایا گنج میں واقع جواہر لال اسپتال پہنچے۔نوبھارت ٹائمز کی رپورٹ کے مطابق اسے اس حالت میں دیکھ کر اسپتال میں سبھی ڈرگئے۔ متاثرہ کو اسٹریچر پر ڈال کر وارڈمیں لایا۔لیکن اس دوران بھی اس نے سانپ کو اپنے ہاتھ میں دبوچ کر رکھا۔ ڈاکٹروں نے متاثرہ شخص کی جانچ کی اور پایا کہ اسے رسل وائپر نامی سانپ نے کاٹا ہے ، جو بہت زہریلا ہوتاہے۔

The incident is from Bihar`s Bhagalpur district, where a snake bit a laborer, and the laborer brought the snake along with him to the hospital. The video went viral.
Bihar is not for beginners 😭😭😭😭 pic.twitter.com/UC7ChONiZP

— बाबा जी बिहार वाले 🗿🕉️🧘💛 (@BiharWaleBaba0) October 16, 2024

ڈاکٹروں نے فوراًمتاثرہ کو تریاق اور درد کش انجکشن لگائے، اسکے بعد ہی متاثرہ ، بھوری رنگت کے سانپ کو بوری میں ڈالنے پر آمادہ ہوا۔ بعد ازیں فاریسٹ محکمہ کو مطلع کردیا گیا ہے۔ متاثرہ کا نام پرکاش منڈل ہےاوراس کی حالت اب خطرے سے باہر بتائی جارہی ہے۔اس واقعے کو دیکھ کر ہر کسی نے ۴۸؍سالہ پرکاش کی ہمت کی داد دی ۔ بتایا جاتا ہے کہ رسل وائپرملک میں پائے جانے والے ۴؍سب سے زیادہ زہریلے سانپوں میں سے ایک ہے۔