گزشتہ دنوں اناہیم، کیلیفورنیا میں واقع ڈزنی ریزارٹ کے ملازمین نے تنخواہوں، چھٹیوں اور دیگر مراعات کیلئے بڑے پیمانے پر ہڑتال کی تھی۔ آج کمپنی نے ملازمین کی یونین سے بات چیت کرکے ایک عارضی معاہدے پر دستخط کئے ہیں۔ تاہم، اس کی تفصیلات جاری نہیں کی گئی ہیں۔

ڈزنی نے اپنے کیلیفورنیا کے تھیم پارکس میں ہزاروں کارکنوں کی نمائندگی کرنے والی چار یونینوں کے ساتھ ایک عارضی معاہدہ کیا ہے۔ واضح رہے کہ یونین سے ۱۴؍ ہزار سے زائد کارکنان وابستہ ہیں۔ تاہم، فوری طور پر معاہدہ کی تفصیلات جاری نہیں کی گئی ہیں۔ یاد رہے کہ چند دنوں قبل ڈزنی تھیم پارک کے مزدوروں نے اجرت، بیماری کی چھٹی اور دیگر مراعات پر کئی مہینوں کی بات چیت کے بعد ہڑتال کردی تھی۔ یونین نے ایک بیان میں کہا کہ ’’ہم نے ڈزنی کو دکھایا ہے کہ پارک کے حقیقی جادوگر ہم ہیں اور آج یہ ثابت ہوتا ہے کہ جب کارکنان اپنے حق کیلئے ساتھ کھڑے ہوتے ہیں تو جیت ان ہی کی ہوتی ہے۔‘‘ 

Workers protest Disney’s contract offer during a demonstration off Harbor Blvd. The marchers tried to get to the main entrance, but were turned away by @AnaheimPD and @Disneyland security before bag check. pic.twitter.com/KDyTteaLEK

— MousePlanet (@MousePlanet) July 17, 2024

یہ بھی پڑھئے: ادیداس: جوتوں کی اشتہاری مہم سے ہٹائے جانے پر کمپنی نے بیلا حدید سے معافی مانگی

کیلیفورنیا کے ڈزنی ریزارٹ کے ۳۵؍ ہزار ملازمین یونینوں سے وابستہ ہیں۔ اس ریزارٹ میں ڈزنی لینڈ کے ساتھ ڈزنی کیلیفورنیا ایڈونچر اور اناہیم شہر میں شاپنگ اور تفریحی ضلع ڈاؤن ٹاؤن ڈزنی شامل ہیں۔ ڈزنی لینڈدنیا کا دوسرا سب سے زیادہ دیکھا جانے والا تھیم پارک ہے۔ ریزارٹ کی ترجمان جیسیکا گڈ نے کہا کہ ’’ہم اپنے ممبروں کا ہمہ وقت خیال رکھتے ہیں۔ ہم سبھی ایک عارضی معاہدہ پر پہنچ کر خوشی محسوس کررہے ہیں۔‘‘