چھتیس گڑھ کے درگ ضلع میں ایک بس کے گہرے گڑھے میں گرنے کے بعد ۱۵؍ افراد ہلاک ہوئے ہیں جبکہ ۱۲؍ زخمی ہوئے ہیں جنہیں قریبی اسپتال منتقل کیا گیا ہے۔ وزیر اعظم نریندر مودی اور وزیر اعلیٰ  وشنو دیو سائی نے لواحقین سے اظہار تعزیت کیا ہے ۔ راحت رسانی کا کام اب بھی جاری ہے۔

چھتیس گڑھ کے درگ ضلع میں ایک بس کے گہرے گڑھے میں گرنے کے بعد ۱۵؍ افراد کی موت ہوئی ہے جبکہ ۱۲؍ افراد زخمی ہوئے ہیں۔ اس ضمن میں درگ کے سپریٹنڈنٹ آف پولیس جتیندر شکلا نے کہا کہ یہ حادثہ کمہاری پولیس اسٹیشن کے تحت آنے والے کی کھاپری گاؤں کے قریب ۸؍ بجکر ۳۰؍ منٹ کے قریب اس وقت پیش آیا جب ۳۰؍ ملازمین بس میں اپنے کام سے واپس لوٹ رہے تھے۔ بس سڑک پر پھسل گئی اور ۴۰؍ فٹ گہری مرم(جو ایک طرح کی مٹی ہے اورتعمیرا ت کے کام میں استعمال کی جاتی ہے) مٹی کی کان میں جاگری۔

Chhattisgarh Bus Accident! pic.twitter.com/gTCraOOSwU

— RVCJ Media (@RVCJ_FB) April 10, 2024

اس حوالے سے شہر کے سپریٹنڈنٹ آف پولیس ہرش پاٹل نے کہا کہ پولیس نے راحت رسانی کا کام جاری کیا ہے اور زخمیوں کو اسپتال منتقل کیا گیا ہے۔ شکلا نے خبر رساں ایجنسی پی ٹی آئی کو بتایا کہ ابتدائی طور پر ۱۱؍ اموات درج کی گئی تھیں لیکن بعد میں ۴؍ مزید افراد کی اسپتال میں موت ہو گئی تھی۔

Chhattisgarh: Horrible road accident in Durg, around 12 people died as bus fell into a valley !!!#BusAccident pic.twitter.com/LvKgHhvnlp

— YUVI 🖤 (@yuvii___) April 10, 2024

وزیر اعظم نریندر مودی نے لواحقین کے ساتھ اظہار تعزیت کیا ہے اور کہاہے کہ مقامی انتظامیہ زخمیوں کی مدد کرنے میں مصروف ہے۔

یہ بھی پڑھئے: کیرالا کے سابق وزیرمالیات تھامس آئزک کو ہائی کورٹ سے راحت

مودی نےاپنے ایکس پوسٹ میں لکھا ہے کہ میں لواحقین سے اظہار تعزیت کرتا ہوں۔ میری زخمیوں کیلئے جلد صحت یابی کی دعا ہے۔مقامی انتظامیہ ریاستی حکومت کی نگرانی میں متاثرین کی ممکن مدد کرنے میں مصروف ہے۔

Durg, Chhattisgarh: Visuals from the spot in Kumhari where a bus of Kedia Distilleries carrying labourers met with an accident yesterday leading to the death of 12 people.#Chhattisgarh #BusAccident pic.twitter.com/S7QqKxjuJl

— Latest Updates (@kapoor_kapoor67) April 10, 2024

وزیر اعلیٰ وشنو دیو سائی نے بھی اس حادثہ پر اظہار افسوس کیا ہے۔انہوں نے کہا کہ میری دعا ہے کہ مہلوکین کی روح کو سکون ملےاور لواحقین کو اس غم کا سامنا کرنے کی ہمت دے۔ملازمین کے علاج کیلئے کافی انتظامات کئے گئے ہیں اور میری دعا ہے کہ وہ جلد صحت یاب ہو جائیں۔