ایپل نے اعلان کیا ہے کہ وہ ۲۰۲۶ءکے اختتام تک امریکہ میں فروخت ہونے والے تمام آئی فونز کی تیاری ہندوستان میں منتقل کرے گا تاکہ چین پر انحصار کم کیا جا سکے۔ یہ فیصلہ امریکہ اور چین کے درمیان جاری تجارتی کشیدگی اور چین سے درآمدات پر عائد بھاری محصولات کے تناظر میں کیا گیا ہے۔

ایپل نے اعلان کیا ہے کہ وہ ۲۰۲۶ءکے اختتام تک امریکہ میں فروخت ہونے والے تمام آئی فونز کی تیاری ہندوستان میں منتقل کرے گا تاکہ چین پر انحصار کم کیا جا سکے۔ یہ فیصلہ امریکہ اور چین کے درمیان جاری تجارتی کشیدگی اور چین سے درآمدات پر عائد بھاری محصولات کے تناظر میں کیا گیا ہے۔ اس وقت ایپل کے تقریباً۹۰؍ آئی فونز چین میں تیار ہوتے ہیں لیکن کمپنی نے ہندوستان میں اپنی پیداوار بڑھانے کیلئے اقدامات شروع کر دیئے ہیں۔ ایپل کے شراکت دار، جیسے فاکسکون اور ٹاٹا الیکٹرانکس، ہندوستان میں آئی فونز کی تیاری میں مصروف ہیں اور مارچ ۲۰۲۵ءمیں ہندوستان سے امریکہ کو تقریباً ۲؍ ارب ڈالر مالیت کے آئی فونز برآمد کئے گئے۔ کمپنی کا منصوبہ ہے کہ ۲۰۲۶ءتک ہندوستان میں سالانہ۶۰؍ ملین سے زائد آئی فونز تیارکئے جائیں۔ 

یہ بھی پڑھئے: ٹرمپ کی تجارتی پالیسی سے مہنگائی اور بیروزگاری میں اضافہ

یہ اقدام نہ صرف ایپل کی سپلائی چین کو متنوع بنانے کی کوشش ہے بلکہ بھارت کیلئے ایک بڑی اقتصادی پیش رفت بھی ہے جس سے ملک میں روزگار کے مواقع بڑھیں گے اور ٹیکنالوجی کے شعبے میں ترقی ہوگی۔ واضح رہے کہ ایپل نے ۲۰۱۷ءمیں ہندوستان میں آئی فونز کی تیاری شروع کی تھی اور اب کمپنی کی کوشش ہے کہ ہندوستان کو اپنی مینوفیکچرنگ کا مرکزی مرکز بنایا جائے۔ یہ فیصلہ ہندوستان کیلئے ایک اہم موقع ہے کہ وہ عالمی ٹیکنالوجی مینوفیکچرنگ میں اپنی موجودگی کو مضبوط کرے اور چین کے متبادل کے طور پر ابھرے۔