میانمار میں زلزلے کے نتیجے میں مہلوکین کی تعداد ایک ہزار سے تجاوز کرگئی ہے۔ زلزلے کے نتیجے میں ۲؍ہزار سے زائد افرادزخمی ہوئے ہیں۔

میانمار میں زلزلے کے نتیجے میں ہلاک ہونےو الے افراد کی تعداد ایک ہزار سے تجاوز کرگئی ہے جبکہ ۲؍ ہزار زخمی ہوئے ہیں۔ جنتا انفارمیشن ٹیم نے کہا ہے کہ’’جمعہ کو ۷ء۷؍شدت کے زلزلے کے نتیجے میں ایک ہزار ۰۲؍افراد کی موت ہوئی ہے جبکہ ۲؍ ہزار ۳۷۶؍ زخمی ہوئے ہیں۔ مرکزی میانمار کے شہر ساگاینگ میں ۷ء۷؍ شدت کے زلزلے کے نتیجے میں بڑے پیمانے پر تباہی ہوئی ہے۔‘‘

۶؍ علاقوں میں ایمرجنسی نافذ کردی گئی ہے جن میں ملک کا دوسرا سب سے بڑا شہر ماندالے بھی شامل ہےجو زلزلے کے مرکز سے قریب ہے اور جہاں بڑے پیمانے پر تباہی ہوئی ہے۔ چین کی ریسکیو ٹیم سنیچر کومیانمار پہنچی تھی جبکہ روس اور امریکہ نے بھی امداد کی پیشکش کی ہے۔ 

یہ بھی پڑھئے: ملیالم فلم ’لوسیفر۲‘ کی کہانی کیرالا سے نکل کر عالمی سطح تک پہنچ گئی ہے

مہلوکین کی تعداد کے بڑھنے کے امکانات ہیں
جنتا لیڈر جنرل من آنگ ہلینگ نے جمعہ کو خبردار کیا ہے کہ ’’ مہلوکین اورزخمیوں کی تعداد میں اضافہ ہورہا ہے۔ انہوں نے مختلف ممالک کو مدد کیلئے مدعو کیا۔ مہلوکین کی تعداد میں حال ہی میں ۱۵۰؍ امواتوں کااضافہ ہوا ہے اور یہ تعداد ۵۰۰؍ سے بھی تجاوز کرگئی ہے۔